仲記唔記得呢個PC狗印呢? 今回佢又大派用場啦。
吹一隻狗狗、畫一個汽球，再寫多幾隻字。咪以為呢個工序簡單呀，其實係好麻煩既，又要開壇: 墊檯、上墨、上粉、加熱令凸字粉溶合，先做到咁靚既效果架，所以要好耐先做到呢兩SET配件。
今次既道具好簡單，用咗上次人地送俾我果D環保底紙黎做配件。
請同事幫手剪呢D一舊舊既雲。有人提議叫大家自己畫返自己果舊雲，但我恐妨人人風格不同，貼上卡度就會唔夠協調。
所以唔好意思啦，又用晒我既墨寶算啦(其實我都係亂畫一通，只係會限死D尺寸唔會太大咁唧)。
跟住要開始做卡底啦，我星期三請咗一日假，早上返公司處理一下檯面，跟住閉關發功。
單單用雜誌紙做底色，點先可以令人唔覺CHEAP呢?
我裁咗好多長紙條，一條一條咁併埋佢。
貼係發泡膠板上，然後反身。
將多餘部份裁走
之後就變成咁企理啦。
係咁意放D配件上去併下，唔錯喎。我打算配件下面係用FOAM貼粒合既，咁會有凸起既效果，用繩縛起個氣球，俾PC狗拎住，跟住將大家既簽名貼上去。係呀，就係咁簡單架咋!
似乎可行，咁就繼續做埋另外果張先。隨意係雜誌度亂剪，併出黎梗係張張都世上獨一無二啦。
唔 ..... 我收工去街玩陣先，等大家既簽名搞掂晒再做下一步啦。
分派晒D一舊舊既雲俾大家，簽完名收返，就可以拎去做卡啦。拿，個汽球係要黎吊住PC狗既。
將D雲放好位置，就啱個位先貼上去。因為太多人要簽名，所以版面不敷應用，又要即時做埋卡背黎用啦。
我搵咗另一批淨色既雜誌紙，其實一頁只得一部份用得架咋，裁完出黎都好四正，唔覺得係環保紙黎。
兩張卡，殊途同歸，都好搶眼。充滿歡樂氣氛。
呢個係背面，仲有虛位，係因為我用晒D環保紙，要等我再帶返公司，先可以俾大家簽名啦。
我專登星期四放工，留多個鐘做俾你地架，阿ca同Rebecca都有幫手既。
呢兩張卡充滿正能量架，可以同你地鎮宅(即係你地間房)，做到有氣冇掟抖果陣，望兩眼就可以同你回返氣架啦。
希望你地卜頭之後，努力工作，一路學，一路做，一路有進步啦!
P.S. 歡迎大家抄橋，令身邊既人都可以開心快樂，正能量大放送啊!
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
