可記得我年底辛辛苦苦，獨個兒做油漆工嗎?
誰知道大廈維修外牆，剛好在冷氣機旁鑽牆，檢查/更換冷氣去水喉管，一時間石塵入屋，房間煙霧迷漫。
大小不良當時都係屋企，小不良一開房門見到咁大塵，心諗：我未戴CON唧，睇野唔駛咁矇掛？
大小不良見到，心知不妙，即刻拎個垃圾膠袋頂住。可惜兩個都死蠢又唔用腦，用膠紙貼住爿牆黎固定個垃圾袋。
睇下，大家估都估到，之後要搣返個垃圾袋出黎，我爿牆仲駛唔駛要呢？
我當然有投訢啦：我新油既油漆實爛晒啦！
小不良：依家Ｄ漆油點會咁差呀？（呢Ｄ就係冇常識啦）
我: 你地可以沿住個冷氣機殼貼膠紙架，反正冷氣機側邊又冇隙縫既。
大不良：咁情況危急嘛..... 你慢慢搣返Ｄ膠紙出黎咪得咯。
油漆早就用晒啦，唔通再買罐細既返黎玩呀？
你地話啦，係咪冇仇報吖！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
