姪女要嫁人啦，昨日我就去咗撐下場啦．
準新郎哥真醒目，用一個大篋裝晒ｄ野拎黎．
一切從簡，就咁去X記訂就得啦，乾手淨腳．
呢ｄ＄，抵俾佢賺既，配套都做得幾好．
多少都會要返ｄ生果呀，唐餅呀咁．
爭ｄ唔記得影埋枝酒添！
我地以前，只係膠袋啤住，依家呢度就識俾埋包庄．
大方得體．
最體貼既，係佢地竟然係禮盒上加上喜字封條，而且係一套紅底金字，一套金底紅字，方便回禮予男家．
係咁意都切返幾個餅大家食下先．
我一向唔好呢ｄ既，整舊蛋糕試下算啦．
紅菱，白菱，黃菱等等，都唔啱我口味．
一個將要搬走，睇黎魔術師表哥可以考慮下，養大隻ｄ既表演拍檔啦，不如養下兔仔吖．
知唔知這是什麼？係卅多年前，我大佬結婚果陣，就係我地合力泡製呢對花車公仔架啦．
當年我地做絲帶花，纏住我大佬自屈既心形鐵線，加上佢泡製既眼鏡，係咪好正呢？估唔到佢地可以咁經得起時間既考驗，有變黃，連絲花都冇退色．
咁珍貴既紀念品，梗係冇打算俾我姪女用啦！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
