三八婦女節收到漲卜卜既郵件，唔通係婦女節禮物？
請勿按壓，會爛架？
咦椅～
原來入面係兩包花生黎喎，仲有芝麻糖添！
唔理啦，即刻剝粒黎食下先．ｄ皮紅色架喎．．．乜．．．乜．．．生既！
嘩！呢包真係寫到明生架喎！
只怪我睇唔到有張字條，人家早就講到明話係一包生，同一包熟架．仲係自家種花生黎，真係多謝呀！
呢粒係熟既
ｄ衣一捽就甩啦，話就話食生既有益ｄ唧，但陣生味我食唔到呀．等我下次蒸開飯，拎ｄ花生一齊蒸埋佢先．
呢ｄ芝麻糖認真勁喎！催咗芽先磨粉架．唔單止冇反式脂肪，仲通過埋芝麻黃麴毒素檢驗，夠晒安全呀．
好低甜度，鍾意黑芝麻既人就啱晒啦，等我分一件俾人地伯母食下先！
Fiona，好多謝你同我分享啊！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
