今年都收到唔少禮物，
計有桂花燕窩糕
中間氹燕窩好大球，唔知係咪真野黎既．我只食過丁丁多(即係四分一茶匙都冇)．全盒糕糕，大部份都係Bibi食咗．
同事送既戀人朱古力，我吃了一塊
連雕刻用的橡皮，竟然也有人為我補倉！真係多謝呀！
阿草送我公仔夾，兔仔
同埋牛牛
仲有護髮用品
伯母角仔
Bibi十分鍾意
置地有鬼仔醒我呢盒東東
原來係印滿福字既朱古力．
甥女自家製曲奇，抵錫到極．原來她快要做媽媽了，祝願她一路平安，順利誕下健康寶寶．
朱古力，綠茶，紅莓果仁，正！本打算分三份，我跟Bibi吃過自己那份後，決定爸爸禁吃，留待明天再二一添作五．
姪女俾Bibi既糖果包
呵呵，五月準新娘，預習派利是定啦．
二家姐私人醒羅漢齋
可以氹人歡喜的曲奇，當然都有啦，基本上佢地都係曲奇怪獸黎，實食得晒．
我呢，同Bibi都幾鍾意食Jagabee，萬寧賣$32.9一盒，買三盒仲再有八五折，即係唔駛廿八蚊一盒，有十包，正晒！即掃．攬住佢返屋企，開心過乜．係呀！我買俾自己食呀，犯法呀？
同事又送我肉乾，有好多包，可以慢慢食啦．
一向請人食肉乾，我都係叮暖先既，但呢ｄ新包庄，竟然叫大家浸熱水．
意想不到又收到另一風味自家製蘿蔔糕，清新怡人，吃後絕不感到膩滯．我們分兩次早餐就吃了一大底．
普洱茶最正氣，爸爸至愛．
收到這一盒，觸手冷冷的．
打開一看，笑彎了腰．
原來是一盒貢丸啊！真的謝謝你份有心思又有趣的禮物啊！
呢盒係情人節當日收到既，好好味架！入面有三包，我分了一包給Bibi，她也捨不得一下子吃掉呢．
爭ｄ數漏咗呢盆大吉大利．
呢粒牛奶糖，係潤唇膏黎，桂花，橄欖油，杏仁油，蜜蠟，唔．．．新嚐試．
大家唔駛驚我會嫌棄你地整既野架喎，會嫌三嫌四既，就唔係May姨啦！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
