星期日，又係購物日。
食完早餐事必要去圖書館蒲下，其實仲有好多書未睇晒，但睇書既貪念實在太重啦！或者又會搵到ｄ咩靈感去做粘土呢？刨咗幾本食譜書既圖片，一路諗下ｄ可行性，又有咩技術性困難要解決，順手drop咗少少概念notes，好值得參考。至於幾時先去實行，千日啦！
唉，已經好忍手架啦，但行埋個書架就俾我睇到劉健威寫既嘗甜啖苦、感情的味道、人間盛宴，雖然偶爾係雜誌上都睇過下，但呢ｄ短篇雜文最適合係車上睇，佢地今日同我咁有緣，點可以唔借呢？
最衰都係爸爸啦，問佢走得未，又話坐多陣，咁我又走去搵資料圖片睇下，又俾我見到王浩一本慢食府城，我都幾鍾意睇埋呢ｄ傳統小吃典故既書，唔借就對佢唔住啦。
跟住爸爸話要去華潤堂買煲湯料，只買咗白果、茨實、紅棗、雪耳、蓮子唧。
下一站吉之島，今日係購物日，有九折。爸爸想買只又可以上電磁爐，又可以用百潔布洗既鑊。於是就執咗只26cm既單柄鑊啦，順手執返兩個Lock & Lock用黎放粘土，又買咗兩個既可以抵受高溫同有食品藥物檢驗局認證物料既膠水樽黎裝水出街飲，差唔多四十皮一個，都幾貴。
仲想話去百佳廣場買野，點知去到變咗Taste喎！咁照買啦，一樣唧。咦！買滿一百蚊又有九折喎！於是素麵、米線、拉麵、烏冬樣樣執ｄ（你咪諗下咯，有八包烏冬，六人份既拉麵同米線，係濕貨黎，非常重）。下晝食咩呢？都係懶ｄ買上海粗炒、乾燒伊麵、滷水豆腐同咸豬手啦。好多有機菜賣喎，白菜、鮮淮山、雜菌、粟米仔，每樣一包；買埋牛油果、有機蛋、魚蛋同香蕉添。
得我地兩個人，拎晒咁多野，仲唔死死下！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
