我知道有呢部車好耐架啦,爸爸終於都可以駛到呢部車啦。
原來全港得一部架咋,佢係巡迴各區既。不枉爸爸鯁咗咁多轉蛇車,我諗佢都好開心既。
食晏前佢話架車會經過我公司樓下,叫我影下佢喎。咁好啦,就滿足下你,坐返轉,影幾幅相啦。
呢架車既車身真係幾靚
有晒阿Kitty空姐同Daniel機長架
原來呢隻羊都做埋空姐喎
我諗所有Kitty既粉絲坐到呢架車都會好高興
四圍都係溫馨提示
大家上落要緊扼扶手,以策安全呀!
咁靚既梯級,真係一步一歡喜呀。
祝大家有個愉快既旅程。
連內籠車頂都係咁靚既
一路坐車,都可以欣賞下佢入面既卡通人物
我都唔知有幾多人曾經係度留影,雖然我上車後,要避開D乘客,單影車頂,係有多少異相。
要影冇人阻擋既車廂,就要等佢埋總站先得啦。
阻咗我食飯既時間,咁我唯有捱麵包啦。
我都知大家好心急想睇下既,有機會上到呢架車,就影多幾幅相啦!
爸爸話D巴士迷一早就問定佢幾點開啦,仲好神心咁搭的士去捕捉呢架車既各處丰采添!
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================