朋友送我一批半寶石(呢度係一小部份),我一路都未搵到主好人家可以送出去。
其實大部份早已打磨妥當,有D連穿孔都做好架啦。
大大小小,長方形、橢圓形
淚滴形、六角形、三角形、甚至心心、樹葉都有。
全部都係石頭本身天然既紋理黎,佢地其實都算係玉石黎架。
有D應該可以配成一套,造出一個系列的飾物。
我比較欣賞呢D花碌碌既蛋蛋,佢地其實都相當靚既。
可惜我係一個唔戴飾物既人,所以亦都冇乜興趣用佢地黎做D咩咩出黎。
其實冇出鏡既仲有啲係一大抽既,都係咁上下野黎啦。我近年又冇教手作班啦,所以一路都將佢地打入冷宮。
如今我既耆英大佬開始玩下面呢D咁既手作,啱晒佢啦!
我一路都因為呢D石頭太重,佢又住得遠,一路都的唔起心肝拎俾佢,點知諗諗下,真係蠢啦!
做咩唔叫我地D馬仔做速遞喎? 就叫Bibi送過去CU俾表姐代收咪得咯。
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================