阿靚（我老闆既嬸嬸）上次拎粽子黎我公司，話中途有人攔途截劫，令爸爸少咗一隻配給喎，所以又再包多次粽子過我地歎．（可能佢知我唔獨食，實會分ｄ俾人，驚我地唔夠食就真！）
今次呢ｄ同上年有ｄ唔同，佢加咗蝦米，入面既五香肥豬肉變成半肥瘦，可能覺得我ｄ豬腩都夠勁啦，所以專登整瘦ｄ既，等我食咗都唔會太肥．仲整色整水加咗幾粒紅豆做裝飾添！味道？點都好過街外買果ｄ既．
睇下：糯米已經烚浸，組織緊密，賣相幾好架．
無以為報，整野食我點夠佢黎吖？唯有整返少少禮物仔佢啦．
我識鬼咩？都只係哎吔叫做識整兩樣野，一係雕印仔，一係就玩粘土．迷你野呢，嬸嬸都好鍾意架，所以我趁佢就黎生日，就回佢一個蛋糕啦．
呢個係金箔牛油果蛋糕
加配黑白朱古力片，新鮮士多啤梨及鮮檸片
加上鮮忌廉圈及紅莓果占，甜甜酸酸的，令人胃口大開
老人家賀壽o麻，定要大個一點啦，三磅庄蛋糕速速送到！
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
