最近，煲呔曾出席瑞士達沃斯世界經濟論壇，用英語發言，頭抬得高高的，大噴口水，分享佢如何應對亞洲金融風暴嘅經驗；一面扮撞鬼「從未如此驚恐」， 一面又口出狂言話「歐債危機最好喺佢任內發生，畀佢處理，唔好影響下屆政府交接」喎！大家明白煲呔曾點解咁鍾意外遊啦，出到外面佢就係王者，返到寄居嘅禮 賓府，雖然日夜燈光火猛，可惜內心總有陰影揮之不去！
梗係喇！治港七年，吹水、縮骨至叻，民生政策無一瓣掂。日前彩園邨慘劇，暴露政府口噏讓精神病患者融入社區，可惜投放資源不足，配 套又唔到位，政府對精神健康缺乏長遠政策，呢類慘劇，時不時發生。兩年前葵盛斬人兩死三傷慘劇，政府檢討完，又建議推行社區治療令，規定嚴重精神病康復者 要在固定地方、定時覆診，違者會被強迫入院，但至今政府仍未立法。呢類關乎人命嘅大事，卻係煲呔曾全不放在眼內嘅「小事」，唔通佢以為自己財技了得，亞洲 金融風暴時擊退過「大鱷」，如今連歐債危機都可以一肩承擔？佢真係叻過加拉德、伯南克、周小川？信不信由你，反正煲呔曾自己就信了！
吹水狂言，無驚無險，匆匆又七年！唔係老點，反正隨口噏當秘笈又好，冇口德又好，都係幾個月啫，大家都忍咗咁耐咯，唔爭在忍多陣。/東方日報
============================================
感謝 羊狼二世 提供以上資料
羊狼二世的網誌: http://contact_ching.mysinablog.com/index.php
============================================
