17 SEPTEMBER 2014(WED)
位元堂個名字相信都唔會陌生，好似...猴子棗末、猴棗散、蛇膽陳皮川貝末同保嬰丹咁，小小豬細細個就已經開始有服食以上嘅產品啦！
今次應SHE.COM嘅安排，小小豬有機會試用佢地新出推出嘅小兒清熱散~
位元堂小兒清熱散嘅成份包括太子參、菊花、薏苡仁、茯苓、甘草、廣藿香、水牛角及牛黃。當中嘅牛黃、水牛角、太子參都係珍貴中藥，可以有助清熱解毒、舒緩熱氣徵狀，再配合其他中藥材，而且絕無添加劑，全方位針對小朋友嘅熱氣症狀呀~
一盒有十支~
包裝盒背後列明各成份、食用方法及規格等，不過我就最鐘意見到佢嗰句『百分百香港製造』，真係食到食得安心呀~
一至三歲小朋友就每日一支，四至六歲小朋友就會日一至兩支。由於小小豬依排便便都唔太舒暢同埋都幾多眼垢，所以我就俾佢服用兩支啦~
將兩支小兒清熱散倒入杯仔內，再加溫水混和就可以服用，都非常方便呀~
其實我有理由相信小小豬係一個怪小朋友，因為叫佢唔多鐘意食西藥，佢都總係要攪一陣先肯乖乖就範。不過當飲用依啲中成藥時，佢就會非常樂意，仲好快手就可以飲晒添呀~
係依個星期內我俾小小豬服用左兩次(即四支份量)，最明顯見到就係小小豬嘅眼垢係少左，另外大便都暢順左，變返軟軟的香蕉仔啦！
當然係未俾小小豬試服前，我都開左一杯相同份量嘅俾大肥豬飲用，大肥豬話個味道唔難入口，唔會有好重嘅中藥味道，唔怪之得小小豬可以飲咁快啦！
不過係大肥豬身上就冇明顯變化，冇反應亦都係一件好事，証明對身體冇反效果嘛(又或者大肥豬個人實在太熱底啦，佢要飲多幾杯多有反應呀…哈哈哈)！
More Information :
Website：http://waiyuentong.com
Facebook：http://www.facebook.com/wytno1baby
其他博客區
※※ SINA ※※
※※ MyBB星級Blogger ※※
※※ She.com ※※
※※ WeShare ※※
※※ theZtyle ※※
※※ U-Blog ※※
※※ SeeWide ※※
※※ BlogSpot ※※
※※ BK Milk 親子語 ※※
※※ Cook 1 Cook 星級廚師 ※※
