第二日旅程，亦係我地係高雄的主要活動日子，因為今日可以有一整日玩！係酒店食個早餐，我地就出發去今日旅程的第一站：國立科學工藝博物館。
如果你有孩子的話，我極度建議你來高雄要來這先玩一下。因為科工館佔地十分大，基本上香港的科學館同佢無得比，再加上甚麼都新鮮的情況下，其實係到玩一日絕對唔係問題。帶小朋友去旅行為乜？大家都係為左一家人開開心心，輕鬆一下。你可以帶小朋友去環球影城玩足一日，亦都可以帶佢去試下科學體驗一日，分別就只在於你怎樣選擇！
第二日的高雄之旅，仍然係繼續落雨，而且仲係突然大雨，突然放晴，真係俾佢玩死。不過好彩的係，科工館係完全室內的，仲要有冷氣，所以完全無問題。我地選擇左先坐捷運到高雄車站，再坐的士前往的方法。其實由酒店坐的士去都唔係十分貴，不過去到外地，當然要俾小朋友體驗下乘坐其他交通工具。最魔鬼既係，係高雄車站有台鐵本鋪的櫃位，身為火車迷的小朋友當然要去拜訪一下。最後當然買左戰利品啦…
法國TGV高速列車（台幣360元)
如果你想簡單一點，其實可以由酒店直接坐的士去科工館的，係高雄市內應該唔會過二百元臺幣，一家人坐都算可接受。因為科工館的位置其實幾唔近捷運的，就算你去到高雄車站，其實仍要轉乘巴士，如果咁計法，不如係酒店直接坐的士好一點了，節省時間，亦舒適，畢竟係去旅行，舒適一點都可以啦。
有關科工館的參觀資訊、交通資料等
一入門口，大家就會見到幾個機械人，記得睇時間，出返大廳睇，佢地會表演的呢！雖然不是甚麼高科技，但對小朋友來說，已經好特別的了。而入場費呢？真係好扺睇的，咁大間館，咁多樣展品，只係100台幣入場。6歲以下的小朋友免費。
國立科學工藝博物館票價資訊
整個館係分為不同的展區，如果你仔細睇，必定足夠大家睇一日。而我地有小朋友的，當然係最關心位處B1的兒童科學園樓層啦。
而我地既主要路線，係去玩一D合適小朋友友玩，較為體驗性質重一點的，畢竟4歲小朋友未識幾多字，所以都係玩為主。而第一個景點，就係小火車。
好開心架！雖然只係短短既旅程，不過佢地玩得好開心呢！仲要玩多次添。這些體驗設施，在整個館中有很多，票價係100台幣可以玩4次。其他的還有地震體驗館(強烈建議玩！)，大風雨的體驗，太空無重力體驗，還有很多我都忘記了！
朋友仔體驗緊橫風橫雨的情況。
必玩的地震體驗館。
液態磁石
中間其實有好多不同的展覽品，我雖然去左2次了，但係都未行晒。
好開心的體感遊戲，要分辨出那些是與呼吸系統有關的器官。四個小朋友係到捉，捉左好耐，跳得好開心呢！
連媽媽們都玩得好開心喎！
兒童科學園的介紹較少，因為我們都玩得太開心了。其實型式大係利用不同遊覽車設施，帶出不同的科學原則，當然，大細的小朋友都要靠父母去協助理解啦。而當中最好玩的係夢想號，其實就係一個大型兒童遊戲室，佢地必定會玩到滿足。
最後就係機械人表演，由於我地係平日去的關係，差不多係包場的。機械人會跳舞，唱歌，仲會答小朋友問題。不過當然係用普通話啦，呢個就係考驗小朋友的機會了。
不過那天始於不斷落雨，所以戶外的地方就唔駛諗了。而我地就決定取消原定的兒童美術館，留係科工館繼續玩得開開心心，而大人們當然就係繼續休息啦！午餐可以係館內2樓的餐廳攪掂，價廉物美。
最後，玩到大人細路都無晒電，我地就趁唔係咁大雨便離開科工館了。咁多人，當然係的士啦，直去漢神巨蛋商場。去品嚐一下來台灣差不多都會吃一次的鼎泰豐，行下超市，睇下玩具。咁樣就結束了我們第三日的旅程了。
明天我們會去壽山動物園，我們都是第一次去呢！
============================================
感謝 SiuB_Fan 提供以上資料
SiuB_Fan的網誌: http://siutimfamily.blogspot.hk/
============================================
