惱人的迪士尼國語人!!!

自從發現哥哥有"迪士尼咒詛"附身

對迪士尼樂園呢個地方真係又愛又恨

何謂"迪士尼咒詛"???

意即去完迪士尼之後。。。

小則就傷風感冒小毛病，大則就喺園內撞穿頭or玩完後燒到40度反白眼

所以呢。。。就算暑假一開始已經想帶兩隻野人去迪士尼

都一直卻步。。。

怕個咒詛又成真，暑假旅行都去唔到就慘!!!(嘻嘻)

最後決定去完個暑假旅行，亳無心理負擔入PARK玩 :)

在超級晴朗的一天出發!!!!!






建議野人帶定頂帽入PARK又唔帶

但又要借我頂帽同把扇擋曬!!!!!曬C我咩????


除咗曬之外，話唒都係8月炎夏，真係熱到傻

呢張相名為"我有我發癲，你有你冷靜" Wakakakaka

野人鍾意玩得嚟都好怕熱(全屋最瘦係佢地，全屋最怕熱都係佢地!!!!)

消暑行為少不了。。。

唔係食雪條雪糕降溫，就係索性LEI埋喺冷氣地方透涼，Wakakaka






野人近期突然愛上--->鴨嘴獸泰瑞(已將它帶回家!!哈哈~~~)


雖然野人已入PARK好多次

但去畫畫都係第一次(目的都係透涼!!Keekeke)





哥哥近呢半年入PARK都只係飲飲食食+喺SOUVENIR SHOP玩玩具

今次突然想玩SLINKY DOG，一定捨熱陪"公子"

熱到咁，虎爸梗係要搵個有利位置吹吹風啦!!!!哈哈哈哈~~~



今次入PARK，個身體熱之外，個心都好熱(燥)

燥爆事件(一)之買雪糕

我排緊隊，前面有一個人買緊，後面一個人都冇

前面個人買完，我正想踏前半步準備開口講買咩

突然有人秒殺咁殺入黎

我嗰刻未有任何燥爆行為，因為都諗緊係咪自己放緊空，嚟唔切反應

點知，同一件事發生第二次!!!!!!!!!

而我後面都已經由無人，變咗有一條龍(因為占我隊嘅人買咗好耐)

同樣事件發生第二次，我唔會再忍囉

叫占隊人排隊，但佢問番我:「要排隊嗎?」

更燥的我:「不用排隊，那我在幹嗎?!」

所以我買野人呢兩SET雪糕，買完仲熱(燥)過未買!!!!!

燥爆事件(二)之非生日生日會

本來野人一個話同我坐，一個就話同虎爸坐

點知一上"杯"，兩個都話要同我坐

虎爸無奈被FAKE，自己坐

點知，突然一個身穿疑似公安衫嘅廿多歲男子

由本來坐嗰個杯(內有4個人)，走向虎爸個"杯"，而且坐低咗

由於我同虎爸都有一段距離，我聽唔到嗰個人講咩

虎爸就用佢極有限嘅普通話，叫佢坐番自己個杯

本來個公安服男都拒絕兼且覺得好疑惑，點解唔俾佢坐

但經虎爸再講一輪+我大聲叫佢，如果要同自己人分開坐

就要事先同職員講要兩個杯

然後佢先肯反回原杯，但眼神依然好疑惑，點解唔俾佢坐

虎爸事後同我講:「如果係一個靚女同自己坐就無所謂啦

但係個男人呢。。。唔通兩個3唔識9嘅人坐埋玩咖啡杯咩

咁應該佢轉定我轉好喇?!」

虎爸好燥，但我覺得好好笑，Wakakakaka!!!!!

燥爆事件(三)之DUMBO




排隊玩DUMBO。。。

一個操國語嘅家庭 – 2個男人+2個小孩一直都排喺我地後面

由開始排隊，佢地一直都有身體語言想占隊

條隊轉咗兩個圈之後，兩個小孩已經超前咗我地!!!!

但係我都冇任何行動，因為有野人在場

我一般都按捺得住自己嘅怒火!!!!

直至嗰兩個男人都想超前我地

P.S.國語人好流行嘅占隊行為之一，先有小孩占隊，

再有大人藉詞要搵小孩從而占埋個隊

當時受咗一日怨氣嘅我，要爆喇!!!!!!!

(因為全日無論排咩都有占隊黨，只係冇寫唒喺BLOG)

我鬧爆咗嗰家人占隊!!!!!!

其中一個男人被我鬧完，覺得占隊冇問題

反問我:「你叫甚麼叫?」

我咁怒氣沖天，當然比一開始鬧得更勁!!!!!!

整個過程，一向唔願發表嘅虎爸當然一句聲都冇出過

呢D潑婦罵街嘢從來都係得我做!!!!!

不過好彩，我都唔係孤軍作戰

排我前面有位正義爸爸，都開聲幫我叫嗰家人排番隊:)

其實呢D占隊嘢，喺迪士尼都時有發生

但我從來都冇試過好似今次咁火!!!!!

可能因為今次國語人嘅比例真係超多

搞到全日身邊都冇停止過呢D燥爆事件

令我全無歇息嘅空間!!!!!!

認真，今次之後，我係有怕咗去迪士尼嘅感覺

令到除咗"迪士尼咒詛"之外

又多樣嘢令我對迪士尼又愛又恨-___-

============================================

感謝 3BMaMa 提供以上資料

3BMaMa的網誌: http://www.bbbmama.blogspot.hk/

============================================