晚飯@水晶晶泰國餐廳~

有日同奶奶3人行, 去荃灣食飯, 唔係好諗到食咩, 見到呢間唔駛等位就試吓~ 附近的金坊一早好多人等位, 係咪有位的泰式餐廳就差啲呢? 試過先知~


3個人叫了4樣食物~~ 先來的是泰式粉絲雜菜煲, 以及泰式牛仔骨小食~ 牛仔骨本案味道不太差, 無論點唔點辣汁幾惹味, 不過薄片得來仍然比較硬, 肉質普通......

至於雜菜煲似乎同中式差別不大, 不覺得很泰式, 但味道是合格的~





叫了一個菠蘿海鮮炒飯~ 材料多到不得了, 拎飯同啲餸都要好小心~~ 味道不錯, 而且幾足料, 仲有半邊菠蘿肉食, 幾滿意這個飯~~


最尾老公話都係未夠飽, 叫多一份沙嗲豬肉及雞肉~ 出面開始有人等位, 侍應趕忙拎俾我哋食, 等我哋快D交枱~ 豬肉味道較好, 肉質OK, 雞肉味道較淡, 可惜沙嗲醬的味道都好淡, 冇咩沙嗲味......如果可以改善呢點, 一定更加好味~

埋單2百多元, 不算好抵, 不過味道都可以接受, 如果其他心水泰式餐廳好多人, 可以行多幾步路試吓呢間~ 另外, 這店以大枱為主, 如果少人可能等位要耐DD...

http://www.openrice.com/restaurant/sr2.htm?shopid=167495®ion=0&s=3

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================