真係唔錯, 清新0既感覺好強烈, 因為有蒔蘿0既
協助底下, 呢一份清新感, 截然不同 !
真係每一種沙律, 都有佢獨特0既性格 !
裡面所用0既材料好簡單, 但又會帶俾你不簡單0既感覺, 唔錯吖 !
2 - 3人份量
材料 :
紅薯仔 2 -3 個 (切件烚熟)
蒔蘿 1 執 (落多d , 睇番張相0既片佈情況就啱喇 ! 切碎備用)
鹽 少許
牛油 8 - 10g
檸檬 半個 (榨汁備用)
做法 :
1. 先將薯仔切件烚好, 要用筲箕剩好, 去走多餘水份 .
2. 薯仔大約等5分鐘, 去走多餘水份後, 加入牛油, 這個時候,
薯仔熱力會將牛油溶化, 此時將牛油拌勻, 下海鹽, 切碎
0既蒔蘿放入, 檸檬汁拌勻即可 !
~~~~~簡單又有特色 ! 尤其鍾意清清地0既朋友一定喜歡, 唔好諗住
佢係薯仔沙律會好濟, 唔會啊 ! ~~~~~
