呢款包包配搭餐湯, 真係天衣無縫, 絕配, 塗上牛油,
真係正到無朋友, 就算夾腸仔或餐肉, 都好禾味啊 !
d 包就好似我0既人生咁..................等發.................哈哈!
講笑啫 !
脹卜卜, 滑嘟嘟咁, 好靚靚, 放了幾片杏仁片點綴,
仲靚仔喇!
麵包超鬆軟, 老種真係靠得住, 唔錯, 上次做湯種,
今次做老種, 各自各精彩 !
材料 :
老種 60g
淡忌廉 30g
蛋 50g
鹽 2g
糖 30g
鮮奶 40g (奶要坐暖後, 放入酵母5分鐘才使用)
練奶 30g
牛油 35g
高筋粉 260g
鮮酵母 7g (如用速發酵母3.5g)
做法：
1. 先將所有材料混合拌勻.
2. 搓至光滑及起筋膜.
3. 麵糰放入盆中發酵至兩倍大, 大約需時45分鐘至1小時.
4. 取出搓揉排氣, 分割成9等份, 靜止15分鐘, 麵糰休息.
5. 15分鐘後, 搓圓至光滑, 放入已舖錫紙和灑粉的四方焗盤上.
6. 發酵大約45分鐘至兩倍半大.
7. 預熱焗爐180°c, 10分鐘.
8. 包面掃上蛋漿, 加杏仁片裝飾入爐.
9. 180度焗16分鐘即成, 13 分鐘之後都要昅實, 因每個爐溫有
異, 如太快深色, 在上層加盆, 讓包包不至過燶 !
注意：
1. 每個牌子麵粉吸水能力各有不同，請因應情況加減水份.
2. 爐溫各有差異，請自行調節溫度及時間.
請大家多多支持讚好吖!
