3

安徽古村。宏村 畫裡的鄉村

平凡人 於 2014-10-27 08:45:00 發表  |  累積瀏覽 701

分類:長線旅遊 特色景點 古蹟 ;地區:中國
< 杭州﹑黃山﹑婺源﹑安徽古鄉7天遊 >

第五天(續)

離開盧村,一轉眼就去到宏村,兩個地方距離好近


過左呢條橋就到啦,未到宏村前都有諗呢個夠竟係咩地方呢?宏村有好多唔同既稱號,「中國畫裡的鄉村」﹑「舉世無雙的小城鎮水街景觀」﹑咩咩景點排名第一位......數都數唔晒,與其諗呢道有幾靚,不如親身去睇睇。就係咁去到呢個「第一名」地方,不過係入去之前先要做指定動作,乖乖地交低90蚊(已經平左啦,正價百幾...)


時間已經唔早,6點就快天黑啦,要先打電話通知客棧主人到村口接我哋入村,呢個係一個非常正確既決定,由村口去到客棧既路線係咁既,「先轉左再轉右,再轉左轉右轉左轉右轉左轉右轉左轉右轉左轉右......」,已經唔記得轉左幾多次,最少一定有十幾次以上......


氹氹轉﹑菊花園~~~左穿右插無數個小巷終於去到松鶴堂客棧


入客棧望望先





我既房間就係左邊,夜晚D人行來行去都好嘈下...不過我唔怕嘈既


雙人房260一晚,望落都唔錯,因為出面就係走廊同餐廳,如果怕嘈就......


放低行李之後趁仲未天黑,即刻出去行下先

「水在宏村的選址中作用重大。相傳宏村的汪氏祖先先後在歙縣唐模、黟縣奇墅湖村居住,但都曾遭遇火災。後來汪氏舉家遷到雷崗山下,最初建十三樓,取名弘村,取弘廣發達之意。鑑於以往教訓,宏村在規劃時十分注重人工水系的安排,提高預防火災的能力,後歷經400餘年、幾代人的努力,特別是明永樂年間宏村76世祖汪思齊請風水先生勘定環境,對建築重新佈局,宏村的設計、構造最終實現。在村落的科學佈局中,水起著重要的作用。整個村落採用仿生學的“牛”形佈局,以雷崗山為牛頭,村口的兩株古樹為牛角,月沼為牛胃,南湖為牛肚,蜿蜒的水圳為牛腸,民居建築為牛身,四座古橋為牛腳,稱作“山為牛頭樹為角,橋為四蹄屋為身”,形狀惟妙惟肖,整個村落就像一頭悠閒的水牛靜臥在青山綠水之中。」呢個就係月沼,即係牛入面既「牛胃」,村民咩佢「牛小肚」





好快就天黑啦,飯店已經好多人晚餐中,可以對住個咁靚既環境食飯,我覺得仲好過去5星級大酒店,呢種自然簡樸環境唔係用錢可能買到。可惜既係我唔係係呢道晚餐......



燈籠高掛,我返左古代?


回到客棧,夜晚又幾靚丫


今晚既晚餐就係客棧入面享用,係一個傳統安徽大廳用餐。望住牆上書畫對聯,再加上古董擺設,可以幻想自己係一個古代人文人,書卷味即時提升好幾倍


萬眾期待既主菜終於出場
係傳統徽州建築入面享受正宗徽州菜,呢件係一件多麼今人期待既事。但係......對唔住都會講,呢餐真係食唔落丫...D野食食落口可以令我吐返出來,呢一餐可以話係全個旅程之中最唔岩胃口既一餐,又貴又唔抵食,所以我都係認輸食白飯算啦......本來食飽之後出去睇星星,算啦都係唔睇啦......




第六天

清晨時份,太陽伯伯都未起身就要出發啦。不過有好多人比我地更早出來,由其係外國人,唔知點解宏村特別多外國人,可能呢個地方係佢地心目中真係咁靚?





村民都好早起身,又開始一天辛勞工作







呢D係肥豬肉?定係肥豬肉型既玉呢?


好得意


個天黃黃地,太陽出來了


路過好多美食,不過要趕去睇南湖,唔買住,之後想買都買唔到






去到南湖,見到太陽伯伯啦。琴日睇唔到既日出今日補返




「南湖位於宏村南首,建於明萬曆丁未年(1607年)。宏村村落經永樂年間到萬曆年間,樓舍連棟,高低錯落,人口繁衍,光靠月塘蓄水已不夠用,又在萬曆年丁末年(1607年)將村南百畝良田,鑿深數丈,周圍四旁砌石立岸,仿西湖平湖秋月式樣,建成南湖。湖成大弓形,湖堤分上下層,上層寬4米,原來古樹參天,蒼翠欲滴,軀幹青藤盤繞,禽鳥鳴唱,還有垂柳,枝葉婀娜,象臨鏡梳妝的少女,把秀發灑向湖面水中。湖面綠荷搖曳,鴨群戲水,另有一番景緻。整個湖面倒影浮光,水天一色,遠峰近宅,跌落湖中,加之樹蔭水深和日光的相互作用,明暗協調,動靜相宜,顯得幽深、雅靜、清新、明麗。」

南湖就好似一把弓箭既弓型,呢道係牛形布局中既牛肚位置。有詩句形容呢個地方,「無邊細雨濕春泥,隔霧時聞小鳥啼;楊柳含顰桃帶笑,一邊吟過畫橋西」


南湖有「黃山腳下小西湖」之稱,同杭州西湖比較,我覺得呢道更靚;南湖旁邊既建築,配合一個幽美環境,就好似置身於一幅圖畫當中,人都精神D relax D,呢種感覺西湖比唔到






「明朝末年,宏村人在南湖北畔建了六所私塾,稱為“依湖六院”。清嘉慶年間(1814年),花了四年的時間,將六院合併重建為一所規模極大的私塾,取名“以文家塾”,又叫“南湖書院”。」

南湖邊南湖書院,原來宏村門票係包專人講解,可以邀請講解員帶領遊覽,咁就唔怕盪失路


導賞員妹妹,有佢係道比自己睇更認識宏村,但咁早就要佢開工唔係咁好意思


「敬修堂是宏村典型的清代民居,坐落在月沼北側西首,始建於清代道光年間,距今已有180年的歷史。」






「承志堂位於宏村上水圳中段,建於清咸豐五年(公元1855年),是清末大鹽商汪定貴住宅。整棟建築為木結構,內部磚、石、木雕裝飾富麗堂皇,總佔地面積約2100平方米,建築面積3000餘平方米,是一幢保存完整的大型民居建築。全宅有9個天井,大小房間60間,136根木柱,大小門窗60個。全屋分內院、外院、前堂、後堂、東廂、西廂、書房廳、魚塘廳、廚房、馬厩等。還有搓麻將牌的“排山閣”,吸鴉片煙的“吞雲軒”。另有保鏢房、男、女傭人房。屋內有池塘、水井,用水不出屋。」





中門上方高掛一個福字


福字上面,有一條木雕「百子鬧元宵」,上面雕有100個小男孩過元宵玩花燈﹑舞龍燈等等,一片喜氣洋洋氣氛,呢個就係古代多子多福傳統觀念


「百子鬧元宵」雕有「三國演義」戲文,斗拱上方雕有南、北財神,柱上又雕有漁、樵、耕、讀代表古代既四種職業。真係咩主題都有,當年主人家花左唔少心思


前廳橫樑上雕有一幅「唐肅宗宴官」圖,木雕畫面展示唐肅宗宴請文武百官,大家在宴會之前進行既各種娛樂活動,包括琴、棋、書、畫,就連燒水、掏耳都有,雕得好仔細








除左木雕仲有石雕


好快宏村導賞團就完啦,慢慢行返客棧拎行李


大家早晨


仲記得之前經過見到雞脾好吸引,就行返去買啦,明明原路返去但行極都搵唔返
我認路都唔算差,但就係搵極都搵唔到......




認輸唔搵啦,唯有出去搵早晨食啦,好肚餓






好快就食飽飽,又係時候離開宏村。離開宏村既時候見到一大批學生入村寫生,宏村每個地方都有好多藝術家用紙筆描繪呢個咁靚既地方,不槐為「中國畫裡的鄉村」




鐘意SeeWide的分享,給我們一個Like吧!
  • 攻略日期:N/A
    攻略地點:中國
  • 攻略時間:1日以上
    是次消費:N/A
3人比"掂"
  • EEChan 於2014-10-27 18:48:06 留言
    呢處因為有大量明清時期歷史建築,又係世界文化遺產,好值得參觀
  • 舉報 回覆
  • No.1
  • stellaluk 於2014-10-28 07:00:57 留言
    睇完都好想去「中國畫裡的鄉村」
  • 舉報 回覆
  • No.2
  • 平凡人 於2014-10-28 08:57:53 留言
    原文由 EEChan 於 2014-10-27 18:48:06 發表
    呢處因為有大量明清時期歷史建築,又係世界文化遺產,好值得參觀
    係丫,如果有時間慢慢細味就正啦
  • 舉報 回覆
  • No.3
  • 平凡人 於2014-10-28 09:00:24 留言
    原文由 stellaluk 於 2014-10-28 07:00:57 發表
    睇完都好想去「中國畫裡的鄉村」
    你去到寫生一定好開心
  • 舉報 回覆
  • No.4
  • 1874飛飛 於2014-10-28 10:10:02 留言
    引用自 '平凡人' 的相片:

    回覆:好寧靜的感覺
  • 舉報 回覆
  • No.5
  • 1874飛飛 於2014-10-28 10:11:09 留言
    引用自 '平凡人' 的相片:

    回覆:原來咁差
  • 舉報 回覆
  • No.6
  • 1874飛飛 於2014-10-28 10:13:03 留言
    引用自 '平凡人' 的相片:

    回覆:通常簡單既平民小吃(愈少肉愈好)係穩陣既
  • 舉報 回覆
  • No.7
  • 平凡人 於2014-10-29 09:12:03 留言
    原文由 1874飛飛 於 2014-10-28 10:10:02 發表
    引用自 '平凡人' 的相片:

    回覆:好寧靜的感覺
    Yeah~當旅行團走晒之後就會回復寧靜環境
  • 舉報 回覆
  • No.8
  • 平凡人 於2014-10-29 09:13:23 留言
    原文由 1874飛飛 於 2014-10-28 10:11:09 發表
    引用自 '平凡人' 的相片:

    回覆:原來咁差
    個邊啲野食唔太岩口味
  • 舉報 回覆
  • No.9
  • 平凡人 於2014-10-29 09:16:18 留言
    原文由 1874飛飛 於 2014-10-28 10:13:03 發表
    引用自 '平凡人' 的相片:

    回覆:通常簡單既平民小吃(愈少肉愈好)係穩陣既
    平民小吃多數都係好少肉,有都係得幾粒
  • 舉報 回覆
  • No.10

最多能輸入300字

累積瀏覽 112281

全部攻略 126

全部回應 1394