係同你講進步咗啦 ! 咁係應該格, 因為資訊咁發達, 同埋
大家都唔介意將心得講出黎, 無私咁分享喇!
如果覺得自己整得唔夠滿意, 又可以取下經, 問下人, 不足
0既地方, 又可以改善, 實在太好喇!
仲有檸檬唔記得影添!
蛋白要打至8成就啱喇 ! 滑滑0既蛋白, 會垂番落黎, 咁就
至好喇!
越黎越高喇 ! 坐水焗, 這個水浴法 !
整呢款蛋糕, 一定要有耐性, 唔好急呀 !
貓咪都好想食, 係咁喵我, 哈哈 !
材料 :
忌廉芝士 100g
淡忌廉 60g
牛油 20g
砂糖 48g
低筋粉 14g
蛋白3隻 100g
蛋黃3隻 50g
鷹粟粉 9g
檸檬汁 幾滴
雲尼拿油 1 / 4 茶匙 (可以唔落)
他他粉 1 / 8 茶匙 (我沒有放)
做法 :
1. 忌廉芝士+淡忌廉先用打蛋器打勻, 無粒。
2. 牛油隔熱水座溶, 備用, 先將蛋黃分3次加入淡忌廉
芝士糊中, 再加入牛由溶液。
3. 蛋白加入糖打至8成企身，快手拌勻檸檬汁,備用。
4. 將低筋粉和粟粉混合, 過篩，拌入蛋黃芝士忌廉糊中。
輕手拌勻，加蛋王拌勻，再加檸汁拌勻。
5. 先取蛋白1/3與芝士粉糊拌勻，倒回之前餘下 2/3 蛋白
糊至均勻,模內底部放上牛油紙, 倒入芝士麵糊後 '櫈' 兩下。
6. 預熱焗爐180度預熱10分鐘。
7. 用一個大過蛋糕模有深度0既焗盆, 裝大約2cm高0既水喉水,
放入己準備好0既蛋糕糊, 入爐。
8. 用水浴法，以180度先焗13-16分鐘, 至表面上色，轉
145度 - 150度焗 45 - 50分鐘, 因每個爐溫有別,要注意進展
如覺顏色深, 可蓋上錫紙繼續焗, 蛋糕熟便可取出, 取出後
'櫈' 兩下, 放涼架上放涼脫模！
