coupon晚飯+甜品@東京築地拉麵、許留山~

自己都幾鍾意睇免費報紙, 不但有不少有用新聞同資料, 不時仲有很多優惠劵~~ 這晚就一次過去了兩間食店去吃晚飯同甜品~~

先去了"東京築地拉麵"~ 店子前身好似係甜品店, 再之前又係其他舖頭, 總之易手幾次~~ 今次原來開了一間拉麵店~ 手持的優惠劵卻不是吃拉麵, 而是30蚊一碗牛肉飯~ 我們就決定一個牛肉飯+一個拉麵, 一人食一半~~


先來的是叉燒拉麵~~ 個人覺得豬骨湯底唔錯, 鹹度剛剛好, 不太油膩~ 叉燒都易咬, 味道ok~ 溏心蛋都可以, 不過凍凍哋, 唔知係咪雪藏貨色.....拉麵都煮得幾好, 少少彈牙, 不太"淋"~ 原來這間的拉麵質素都不錯, 五十幾蚊物有所值~~



之後就是減價牛肉飯~~ 影出來好似幾大碗, 其實是迷你size~ 初初都擔心唔夠食, 不過吃了一半拉麵再食飯, 自己來說算係剛剛夠飽~~ 牛肉同配汁味道都不錯, 但不知是否放涼了, 到自己食的時候, 覺得幾油膩, 吃完有點滯......如果再揀一次, 自己應該都會食拉麵唔食飯~~

雖然有coupon, 不過要用原價計加一, 結果都係平了少少, 但一百蚊唔駛食一餐晚飯算唔係貴了~~ 因為有茶添飲, 可以唔駛另外叫飲品都得~~

原來它的母公司是太興, 即係太興旗下其中一間日式食店, 唔上網睇吓都估唔到~~

http://www.tsukijiramen.jp/

http://www.taihingroast.com/brand.asp

http://www.openrice.com/restaurant/sr2.htm?shopid=136792&tc=sr1

之後逛了一會, 醒起仲有張許留山"買一送一"的優惠劵~ 於是決定去食甜品~~


去到竟然一個人都冇......係呢間店聲譽麻麻, 定係競爭太大, 啲人寧願食其他甜點?~ 不過冇人仲好, 好似包場咁 ^^~

先去收銀處落單, 之後選個位坐下, 等一會就送甜品過來了~~ 其實自己都係第一次來這間店, 剛巧又有這幅50周年的壁畫, 又影一下~~ 原來許留山是在元朗起家, 總店在元朗, 有機會可以去試吓~~


我那張是芒果甜品買一送一的優惠劵, 30蚊就有2碗, 個人覺得幾抵~~ 自己選了芒果小丸子 (圖左邊), 覺得幾好食, 有一球芒果冰, 而且芒果"湯"都有不少芒果粒, 加埋彈牙小丸子, 有不同口感, 唔錯~ 如果炎炎夏日食番碗一定好消暑~~

不過老公那碗芒果西米露就麻麻哋, 可能西米太多, 沖淡了芒果湯的味道, 不太有芒果味~~

食飽飽, 行多一陣就返屋企啦~~ 希望下次又有抵食優惠劵啦~~

http://www.hkhls.com/

https://www.facebook.com/huilaushan

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================