2/12/2014
係表妹結婚大喜之日
由本來既唔攪唔攪..到越攪越多
我就一於唔理..厚住臉皮咁推介左悠悠做花女
哈哈..其實人地本身都無要花仔花女
悠悠依個花女都無野要做
只係當日著件花女裙出尼影下相
係前一晚天氣轉涼
係屋企拿拿林換季
再搵左張厚被出尼比悠悠
點知因為咁
我地兩個都攪到敏感大發作
先尼夜晚兩個狂打乞嚏,包雲吞
到第二日,我繼續乞嚏..悠悠就有一隻眼腫咗=_=
上午我帶埋悠悠返工
我頂唔順咁食左兩粒過敏藥..但唔掂
食埋傷風藥都唔掂
跟住下午就要去沙田註冊處觀禮
觀完禮,影下相就可以四圍行下
夜晚先再去明星海鮮舫
係咁狂流鼻水既我真係頂唔順
走去萬寧藥濟師到配左盒藥
食左都唔係太得..仲開始喉嚨痛
幸好悠悠就無乜事..眼都開始消腫
夜晚去到酒樓影既相都唔太覺呢
就係咁辛苦既過左一日
連相都無乜點影
真係好討厭自己個超敏感既鼻
然後第二日我就生病了..喉嚨勁痛
揍唔到悠悠返學..大家齊齊請假係屋企大覺瞓...
