新識舊朋友

店子坐位舒適空間感唔錯~

首先嚟杯泡沫朱古力$38用上70%朱古力制成香濃味美我們四人還抵死到用飲管一起飲完佢,寒冬裡飲它真係暖在心頭~

綠茶柚子沙冰$45成品大大杯我哋都係分著飲原來綠茶溝柚子好有化學作用的清新爽口啱晒不怕凍的人例如我hehe~

軟殼蟹西柚腰果沙律$88伴有杏脯橙醬大家或許覺得有點貴但我可說你知實在好抵食大廚用意大利米磨粉加奶做軟殼蟹炸槳炸出來鬆脆無比還有膏呢個杏脯橙醬開胃醒神將我們食力加到最強haha~

西洋菜枝豆帶子Risotto$130諗都冇諗過嘅組合但又出奇地合襯帶子高質如飯可多點米骨更合我意啊~

All Day Brunch有A-I 9個組合我哋要晒9樣$148如大家細食可選5樣$92或7樣$126,當中至愛炸粟米,牛油果蓉和大磨菇超滿足貪心的我們~

墨魚汁魷魚扁意粉$95大廚一定係好細心嘅人魷魚香煎過後才上碟夾雜了焦香入口更有層次係要挑剔便是墨魚汁可再香多點便更精彩~

四位一致係薯條迷就來一客炸粗薯$38跟上兩款醬汁分別係Aioli和蕃茄辣醬前者係有點芝士味嘅白汁我就偏愛刺激嘅蕃茄辣醬But就咁食也不輸蝕薯條本身巳美味極了點醬只是錦上添花啫~

再來熱氣嘢炸雞翼(韓式辛辣醬)$49/4隻點解有5隻或許店方見我哋大食送多一隻吧haha我冇點個醬食因為雞翼巳好夠味皮脆肉嫩~正

第一道沙律好誘人忍不住再試多款帶子青蘋果焦糖合桃配蜜糖芥末汁$88店方嘅用料真係要讚帶子厚肉半熟沙律菜新鮮合桃脆口香甜仲要有我愛吃的青蘋果食多碟冇研究之至啦~

終於到甜品出場了綠茶窩夫$52超好吃窩夫嘅綠茶味比雪糕更出配以紅豆及楓糖吃好match

綠茶心太軟$59那綠茶流心害得我們差D(瀨)碟醜C怪啦在旁的豆腐雪糕也不客忽視啊好香豆味架

柚子香橙凍$52呢個賣相好美不知是否珠玉在前吧這款被比下去了~

本來應該鳴金收兵的但我們坐正出菜位置見侍應捧著那高高的梳乎里我跟殷師拉四目發亮了追加吧!是日係青蘋果梳乎里$59有餡的還是第一次試真係要拍掌絕不吃風蛋香濃郁~超好吃^0^

芝士泡沫蛋糕$69那份子料理的芝士蛋糕泡沫好傳神比實體更出色點著圍邊那焦糖脆脆同吃~幸福滿滿喔!!

還要多謝殷師拉的東京手信借花敬佛比冇住家飯吃的車爸爸一點甜吧!