屋企人一向好少搞咩慶祝聖誕，通常各有各節目，不過，今年卻意外地同屋企人前後食咗兩個聖誕蛋糕，仲兩個都喺嚟自美心西餅。
經過美心，又喺「chilam」，見2014聖誕蛋糕系列推出好多款式：紫色聖誕樹、可愛聖誕鹿、聖誕旋粟、奇脆聖誕、聖誕樂園、聖誕Hello Kitty、聖誕My Melody 、魔雪奇緣、迷你白魔王森林及黑魔王森林，有啲喺之前出開嘅款式加少少聖誕元素嚟應應節，有啲就全新製作。
![bowl]()
紫色聖誕樹（紫薯蛋糕）$138
舊年美心出過一款「紫醉甘迷」（紫薯甘栗蛋糕），唔單全花花唧花外型幽雅吸引，而且，鮮磨栗子蓉忌配紫薯蓉忌廉確喺特別。所以，今年再見紫薯蛋糕出現，梗喺要試試啦，當然唔喺特別為聖誕，只喺為「食」嘅意外啫。
紫色聖誕樹同樣以手工細膩嘅紫薯蓉忌廉唧花鋪成，做成一樖浪漫紫色聖誕樹，襯以朱古力金星、金珠、銀珠、聖誕葉作裝飾，既靚又配合到聖誕氣氛。個蛋糕唔止有外觀，又有內涵，朱古力海綿蛋糕、朱古力脆米及朱古力忌廉所做嘅餅底，口感富層次又好味；而中間一層又一層嘅喺芒果忌廉夾朱古力海綿蛋糕，忌廉柔滑不膩，芒果清甜無渣；再加埋輕盈富薯香嘅紫薯蓉忌廉，果然值得一試再試。
![bowl]()
聖誕樂園（雜果蛋糕）$168
本來晌冬至之夜，一大棚親友做節食番餐，應該跟聖誕全無關係，卻晌最尾出現咗個聖誕蛋糕，其實，喺另一個意外。事緣喺順便為表姨甥仔慶生，佢老豆求其到隨意買咗個聖誕蛋糕嚟！
至於個聖誕樂園相信唔使多介紹，喺美心一貫嘅雜果忌廉蛋糕，再加上少少有聖誕元素嘅裝飾，不過，鮮紅艷麗嘅圍條，色彩繽紛嘅鮮果，讓人睇落有份喜悅感。而海綿蛋糕焗得鬆軟有回彈力，忌廉亦都輕盈不膩，但喺個人就唔多鍾意有奇異果嘅鮮果類甜品，因為好多時一喺酸，一喺就生，好少遇到啲又甜又熟嘅。
雖然，今年無搞乜嘢派對嚟慶祝聖誕，但食到兩個唔錯嘅聖誕蛋糕，都喺一份意外嘅甜美！
個人評分
味道：8/10
環境：7/10
服務：7/10
抵食：8/10
平均每人消費：HK$30
餐廳資料：
美心西餅 Maxim's Cake Shop
長沙灣港鐵長沙灣站CSW 1號舖
2720 3091
=============================================
感謝 山區麵包王 提供以上資料
山區麵包王的網誌: http://garycwm.blogspot.hk/
=============================================
好食懶做（地區分類）
8
美心西餅 Maxim's Cake Shop：意外甜美
美心西餅 (長沙灣港鐵站店)
堅信號上海生煎皇
Soft Thunder
嘉寶漢堡
The Beef & leaf
杯中物
買得爽(荃灣店)
A treat