攻略日期：2014-12-30
暑假的美食博覽, 益力多在場有一套「飛機仔遊戲」我非常想換, 半年後, 今終於在7-Eleven換返啦.
因為一向對美食展興趣不大, 所以當日提不起興趣入場, 事後Yahoo拍賣又不見有人放售, 估不到今日又遇見.(一排益力多加$23.9)
一本書仔的設計, 打開就有一個地圖, 只要將益力多飛機上滿鏈, 飛機仔就可以循環不息轉轉轉.
當我未打開斬道的時間, SY還說:「咩嚟架?? 飛行棋?」
玩了一回之後, 他竟然不停研究:「好攪笑喎, 飛機走嚟走去都唔會走出去架喎, 好得意呀!」
另外, 幾個月前某一天, 我家街口的士多, 竟然來了一位推銷益力多的姨姨, 當日只要買一排益力多就可以有一個迷你鎖匙扣贈送.
當時我買了三排, (怕買得太多會過期), 其實我想儲多幾粒鎖匙扣, 可惜由當日到今天, 我也無緣再遇到這位益力多姨姨. 好想儲齊紅, 綠益力多各一排呀!! 真的好靚架.
