上年三四月果陣去學既，因為三月去影PW，想親手為自己造頭飾

課堂一共四堂，造左兩個西式，兩個中式

 

第一堂比較簡單，係做晚裝款，襯返我PW條晚裝裙用返呢隻豆沙紅色

用絲帶/紗布剪一小部分對摺用針線聯合，用熱溶膠槍痴，再加其他裝飾

可以用鐵線加閃石做線條，自己屈返自己想要既曲線

堂上整好左即刻影張相，返屋企再修飾，最後變左新郎襟花用

 

因為我返屋企整多左個，呢個先係我既頭飾，再加少少羽毛及閃石唔同哂

 

第二堂整婚紗頭飾，今次用一朵大白色花做底，側邊既葉用粗鐵線及Lace整

再用幼鐵線加閃石珠裝飾，扭黎扭去都好似唔多靚

好難呀要自己憑空做一個頭飾，最好有模跟住造啦，不過就唔係獨一無二變左抄囉

 

第三堂造中式，朝早襯褂用，一式兩件

誇張Ｄ我加左對雀仔，原來要好睇就要襯多Ｄ唔同既顏色撞返出黎

 

今次先用紅色ＬＡＣＥ帶做底，再配襯自己喜歡既飾物，我覺得有珠珠垂落黎好似靚Ｄ

 

第四堂我覺得係最難既，因為唔可以用熱溶膠槍，全程用鋏夾，到時敬酒用

 

 

最開頭用粗金鐵線做底，全程再用幼金鐵線找洞穿來穿去，少Ｄ手指力都唔得

 

 

上完四堂好滿足，個個都咁靚，你又鍾意邊一件呢。。。結婚果日可以大派用場啦！

 

 

 

 

 

Welcome to my Facebook Fanpage ♥裳整餅♥