18 DECEMBER 2014(THU)
上星期小小豬放學時帶左一大袋羊仔衫返屋企，原來早前老師為今年嘅聖誕表演嘅羊仔服飾已經有啦！
收到新衫，當然要即刻同小小豬試穿，依隻披著羊皮的豬仔可愛嗎~
哈哈...嚟多個全身樣先，不過因為件衫係老師代訂，所以係大件啲啲，但我都係覺得一樣咁可愛呀~
自從試衫當日見到小小豬可愛嘅羊仔LOOK之後，我都好期待小小期上台跳舞嗰個樣。等到今日我終於唔洗再幻想，可以去睇表演啦！
今日返到學校同小小豬換好羊仔衫之後，我就去禮堂等睇表演。等左一段時間，終於見到一大批羊仔入嚟。睇見成班羊仔行入禮堂，真係覺得好得意呀！
唔知大家見唔見到小小豬呢~
小小豬嘅表演係尾二節目，等左一陣終於都到小小豬表演啦！
不 過，原來係小小豬嗰一班嘅表演，前半段都係以女同學為主，後半段男同學先分批出嚟跳舞。由於隻隻小羊都係差唔多，再加上細細粒嘅小小豬企係最後排，所以都 睇唔得太清楚佢，加上又搵左一段時間先可以搵到，所以最只係影到幾張相，就連DV都影唔到小小豬個近近舞姿，所以都有少少失望呀~
好在集體唱聖誕歌時都叫做見到小小豬~
作為家長，如果可以見到自己小朋友係台上興奮嘅舞姿，又或者係可以排前啲俾多啲人多到，都一定係非常開心。雖然今年依個表演見到小小豬嘅都只係一分鐘都冇，不過都唔緊要，只要小小豬享受表演過程，肯去開心咁參與我都已經好滿足啦！
MY E-MAIL~
其他博客區
※※ SINA ※※
※※ MyBB星級Blogger ※※
※※ She.com ※※
※※ WeShare ※※
※※ theZtyle ※※
※※ U-Blog ※※
※※ SeeWide ※※
※※ BlogSpot ※※
※※ BK Milk 親子語 ※※
