N個世紀冇去過旺角,陪友人睇玩具,順便試下新野。
認真係俾個名吸引左先食的,今次要食"番"夠"本"XDDD
加左$50升級體驗,其實我地都係想食刺身蝦者。
不得不抱怨一下,張枱細到我地要拎住D野食直接食@口@
不過好在待應收野好快手,一見到就即收,算你啦!
黎個湯同前菜先,麵豉湯同人參雞湯,呢個配搭又幾新鮮,係咪因為吹緊韓風?!
我試人參雞湯,濃味得黎又唔會太苦,岩岩入到口既熱度唔洗等。
螺肉NICE唔會腥,唔會結哂冰。
沙律是友人的,我偷左舊帶子,一般般啦,唔算太新鮮,但唔難食。
梗要睇睇升級同唔升級既刺身有咩分別,叫左兩份黎試試,SIZE證明左一切XDDD
星級隻蝦大成倍,又CREAMY,仲有蝦膏((雖然我係唔食蝦膏既
但唔升級既都好味,係冇咁大隻者。
升級個帶子都好大隻,不過就唔算太有帶子既鮮味。
其他魚生都一般般,無咩特別,都係個句唔算太新鮮,但唔難食。
壽司很一般,唯一覺得不錯的是甜蝦海膽壽司,特別得黎又幾夾到既組合。
蝦係細隻左少少,但海膽冇腥味,仲幾新鮮添,我覺得已經好夠羸了。
蟹柳都算幾鬆軟,唔係壓到死實實個種。
有幾條草的叫大葉媽媽魚壽司,哇~聽都未聽過XDD
貪得意叫黎試下,好腥啊~>.<~
但友人話夾埋面頭D草食又OK喎,可能我冇夾埋草食吧?!
手卷幾好,軟殼蟹依然香脆,不會很粉感,紙菜也乾爽,不錯!
再黎試下熟食,珍珠蜆得個咸字,真係唔知點形容,係醬油味多於一切。
帶子同游魚鬚,唔係唔好食,只係冇咩特別。
青口都是升級的,大大隻,肥美肉厚,但又係輸在個汁,唔覺有味得黎仲一PAT PAT...
川湯雞麻辣粉,少少辣,但D薯粉中和返,一啖湯一啖薯粉,正!!!
蟹粥都好足料,粥煲到好綿,帶蟹既咸香味,又一讚!
燒物冇咩死既,夠熱,味道NICE!
一有汁醬野既燒蠔又NG啦,個芝士同香草都無味道可言,似食左隻整熟左既蠔囉。
日本冰梅酒,必點,好香梅味又唔太苦,唔覺唔覺會飲多左XDDD
雪糕雀巢都叫唔錯啦。
整體無咩特色可言,人參雞湯同蟹粥叫做有少少驚喜,其他食物只屬中等。
飲品日本冰梅酒真係有驚喜,而且待應搭救,個個都又NICE又醒目,成餐飯都食得幾開心。
累積瀏覽 481597
全部攻略 1065
全部回應 167
番本日式放題
割烹 櫓杏 Kappo Ro Ann
鮨千寿(尖沙咀店)
木戶 KIDO
Shibui 洋食屋
風雲丸
源峰 Mizutani
鶴亀