很久很久以前，我學會焗雞
然後又自己研發焗雞，結果研發出芥茉籽蜜糖焗雞
跟住我就厭了，焗雞不再出現晌我生命中
但有一日，我偶然想起焗雞，於是諗到底仲可以點整呢？
不如整最原始蒜香雞，一聽已經知道係鹽呀、胡椒呀、蒜蓉呀咁啦
但最後我用原個蒜頭去焗，焗完食既時候先再搽上隻雞度
有乜唔同？個蒜頭原粒焗熟，一切開變成醬
用想食幾多搽幾多，而且經過焗後個蒜頭變成了甜味，再也不辣
其實可以搽多士食，都會好好食呢
焗蒜頭有兩種方法：今次我原個連衣都唔搣，放晌雞既一旁去焗
焗好先切頂，你就會見到d蒜粒變成軟身，完全係淋既
另一焗法：切開個頂，搽橄欖油，灑少許鹽就焗
至於隻雞，我只係風乾一晚，再用鹽、黑胡椒去醃就算，食既時候搽上焗好既蒜頭
大少爺對個新食法好喜愛呢
新facebook acct開始建立，慢慢upload上Fb、講飲、講食、講戰利品,仲會講祕密
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
