1

心跳500天 (500 Days of Summer)

森里 於 2009-11-27 17:14:05 發表  |  累積瀏覽 512

分類:影評



導演:    馬克韋柏
主演:    祖瑟夫哥頓利域,素兒狄絲查露
片長:    95分鐘
日期:    2009-11-23

故事圍繞一對輾轉相識500天的俊男美女,男愛女,女不愛男,戀人關係的發展限於約會上床鬧翻分手,這些指定動作從打亂的時序呈現,解讀出層出不窮戀愛新定義。第488天先來預告 ,阿心(素兒狄絲查露) 已戴上結婚戒指;倒回第1 天,阿湯(祖瑟夫哥頓利域)一見認定她是夢中情人,每分每秒為她心跳;然而到第一次約會,她已示警自己不相信愛情。阿湯的愛情觀超浪漫,阿心和男人超快親熱,每段戲都緊貼時代愛情脈膊。這不是愛情故事,而是詮釋愛情、解構愛情的窩心絮語


二萬多票下評分都有 8.1
http://www.imdb.com/title/tt1022603/






 

看後感 (有興趣睇戲的朋友們就唔好看住啦﹐因為有劇情 GA)








這套片真的不錯﹐配樂出色﹐很寫實﹐故事表達手法有趣
500日內 將2個不同愛情觀的男女由相識﹐暗戀﹐熱戀﹐感情轉淡, 分手以插序形式表達。戲中比較著重描寫男主角的心路歷程﹐男仔睇的話可能好有共鳴。

(男主角)阿湯對(女主角)阿心一開始已經一見鐘情﹐認定了佢為真命天子﹐相反啊心只係抱著玩耍態度﹐開始已經告知阿湯她不是認真﹐只想開心下。最初阿湯都以平常心去交往﹐不過日子久了﹐認真的一方﹐便會投入更多﹐又覺得對方有所反應﹐一樣會認真起來﹐對於阿湯來說拖手、親吻、一起親暱怎會不是愛呢﹐不過事實非如此﹐再者阿湯由一開始已經過於被動﹐見步行步(工作如是﹐明明係喜歡
建築但又走去寫賀卡)﹐再者沒冇主動去了解阿心的心事 (阿心帶阿湯到她家中﹐同佢講更多心底話的時候﹐其實已經開始對佢認真起來﹐希望佢更了解佢內心世界﹐不過阿湯捉到鹿都唔識脫角呢) ﹐最後分手收場, 意志消沉,世界好像變成黑白一樣﹐直到重遇結了婚的阿心﹐同聽了朋友的一番說話後﹐先有所醒覺。
分手後﹐阿心閃電結婚﹐對於阿湯來說大感不惑﹐阿心的答案好簡單﹐其實只是巧合(cooincidence),即是緣份﹐就好似阿湯讀建築但去了賀卡公司遇上阿心一樣﹐分手後﹐阿心有一天自覺自己需要愛﹐巧遇現在的丈夫﹐而又覺得這個人適合自已﹐這就是 Right Timing, Right Person﹐雖然劇情有D索強﹐不過愛情就是這樣呢。

劇入面有幾段都令人有深刻印像
阿湯希望復合的一幕﹐現實與想像好多時都係好大差距﹐就好比天堂與地獄一樣﹐左右分鏡拍輯不錯呢。
IKEA 家俬﹐同一個場合﹐同一句對白﹐不過一次在熱戀時﹐一次在感情轉淡時﹐落差很大﹐今人心傷。
小妹妹對阿湯所說的話﹐你唔捨得其實係你心中美好o既回憶﹐正所為當局者迷﹐當一個人好鐘意一個人的時候﹐就會ignore晒對方對自已的不好﹐美化對方﹐特別好似阿湯一開始已經認定對方係真命天子一樣﹐當佢回想過去片段﹐阿心其實唔係對佢咁好。
現實中男女由相遇到走在一起﹐我想應該係巧合和爭取呢﹐其間雙方還需要共同努力  能否收成正果﹐就好睇大家願意為對方付出幾多呢。這些付出應該係發自內心﹐為對方好﹐不是為了回報而做的。

冇乜點寫影評﹐寫得唔好﹐還請見諒 

感謝 森里 Do The Best 提供以上資料
個人日誌: www.dickens-au.com/

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
1人比"掂"

最多能輸入300字

三星探險家

累積瀏覽 611736

全部攻略 859

全部回應 1202