而家做家長,真係忙到暈架
中秋個時,要整親子燈籠
過兩個星期,又話做親子風箏
依頭攪掂,個頭又話年曆咭設計比賽
之後又話揮春設計比賽
到聖誕,又要整親子環保聖誕吊飾
仲要話小朋友返學校要報告新聞
要係屋企練習...
哇....好彩我一個小朋友啫
如果係我地細個時,興一生生夠3,4個既
真係唔得掂呀
加上我依啲又要返工,又做cake order既
真係觀音咁多對手都唔掂
不過好彩...悠悠媽我從少都幾喜愛做美勞呀,手作仔咁既
細個每星期既畫都一定貼堂架~~~
之前做左咁多親子圖工,今次做環保聖誕吊飾,真係無乜idea
至煩腦係環保依兩個字
因為我係掉野狂..屋企絕對唔會留下任何無用既野
一執屋就清野,掉野
所以一話要用環保物料...我就要去制造環保物料出尼=_=
今次多得KOworkshop比啲意見我
教我用杯麵碗,雖然..我N年都唔食一次杯麵
不過..公司有人叫外賣呀...
有外賣碗,外賣杯
同事們仲好好人,幫我清洗埋先比我
返去包啲鍚紙,由細至大吊起佢
跟住係屋企樓下執啲落葉,
再叫悠悠油上綠色
係屋企佈置聖誕時,淨左啲上年既飾物
就用尼裝飾依棵環保聖誕樹啦
攪掂~~~係最後交貨日交到功課了...
抺一把汗呢~~~
