剛剛看看我這BLOG 的瀏覽量,
發現很有趣的事實 --
就是我寫關於做親子勞作的那幾篇POST, 人氣都比較高
這陣子可能大家都在煩惱新年勞作吧,
唔係講笑, 真係曾經有朋友(半開玩笑形式) 問過我有冇興趣做 freelance 親子勞作,
而且唔止一個人問過
真係未免太睇得起我了
講真, 唔係為左自己個女又點會咁有心機做呀? 自己又唔係真係做得好好
況且親子勞作本身係聯絡親子感情o既活動, 點可以外判呀?
可能大家聽到親子勞作都有點頭痕吧
的確, "親子", "勞作"兩個詞語分開係冇乜問題, 但夾埋一齊呢就有d 困難
"親子勞作"即係要比小朋友參與 -- 背後意思係唔可以整太靚 (haha) , 太難,
但又唔可以太差, 因為背負左小朋友o既期望, 如果整出o黎阿女覺得唔靚佢真係會失望
唔好話勞作, 有時d 茶點平淡d (如比塊白麵包) 佢都會叫我不如比 xxx 佢做茶點
我地做左呢兩年親子勞作, 雖不敢話做得好好,
不過我同阿女暫時都叫滿意自己o既作品
o係度分享少少心得
1. 物資 : 應手物資要有o的, 唔一定要買,
但例如見到靚o既花紙, 宣傳單張, catalog, 模型, 貼紙之類可儲一儲備用
另外, 做左幾次勞作之後我發現"縫合" "黏貼"工具都好重要,
未有海綿雙面膠紙或熱熔槍o既 hurhur 聲去買吧, 事半功倍呢!
2. 構思: idea 都好重要, 通常我都睇睇自己有d 咩物資再去搵靈感
有左大概框架之後我會再上網參考其他 bloggers, websites... 睇下點樣變化
好似今次o既羊年新年吊飾都係睇睇下先有用綿花o既靈感
(photo source from pinterest)
之前整o既x'mas wreath 亦係參考點樣用背景紙整
我地o既變化係加左燈 (小齊話老師要求)
3. 技巧: 其實我自己都冇乜, 不過應付幼稚園勞作尚算可以
而且技巧o既o野可以不斷練習而提升o既 (我自己同小朋友都係)
同小朋友做多 d 勞作, 從中點都有d 得著
寫書法係固有興趣, 近期要重拾... 仲想傳授比小齊
不過先教中文, 再教英文吧
中文方面我教小齊書法開始見到"少少"成效,
剛剛有一篇中文功課(咁大把) 係我自己都覺得小齊寫得唔錯
最感動之處係我未返到屋企佢已經寫好晒
今次真係有大讚佢寫得靚同乖!
講返技巧, 我有時會睇書參考作法再自己嘗試, 試過先知技巧同步驟o既關係
Papercraft 書其實都值得買定o的, 有需要用o黎brainstorm下
香港的話誠品比較多o的
整相簿亦係我一大練習地方, 之後睇返亦係樂趣無窮!
熟能生巧, 做左幾次之後我地都漸漸拿捏到親子勞作o既要求,
變得快手同埋比較容易, 分工合作用最短o既時間完成
(有時我地會整幾日, 不過每日整dd 感覺仲輕鬆)
雖然現在收到親子勞作 order 有時會埋怨一下 (又要做?!) ,
但往後回看會係好難得o既親子時光呢! 好好 enjoy 從中搵樂趣吧!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
