7 寶蓮禪寺齋堂～獻上第一次食齋(情人節大嶼山一天遊)

今年情人節，外父大人勒令大家情人節要食團年飯，無得say no，哈～絕對唔係我果日唔想訂枱食飯啦～

餘下大半天時間，小龍女又想做運動，就約多對有情人，來一個情人節大嶼山一天遊～

第一次去寶蓮禪寺，原來方法好簡單，去到東涌地鐵站，再在巴士站轉乘23號巴士，大約搭45分鐘，就直接到達，好方便！

正所謂三軍未動，糧草先行，到步第一站，就去OpenRice好多人舉薦既「寶蓮禪寺齋堂」，獻上我人生第一次既食齋體驗

裝修分兩部份，入門門口果個位裝修得好靚，坐左幾枱外國人，侍應帶我地再行入d，就變左傳統既中式酒樓～

寶蓮禪寺齋堂有兩款齋可以吃，一款是「貴賓齋」，$138/位，一款是「珍味素」，$98/位，睇餐單好似食物差唔多，所以今次選左「珍味素」，有五餸一湯，白飯一大盤～

待應好有效率，一坐低，即時送上「佛手瓜蘿蔔湯」，明顯無落味精，但很足料，味道鮮甜，唔錯！


湯都未開始飲，待應即時送上五大小菜，非常有效率

「冬菇扒時蔬」，小棠菜 + 冬菇，好似白灼再加少少油，味道淡口，大家都食唔慣～

「羅漢齊」好淡，雖然有好多唔同食材，但好似都無咩味


「栗米豆腐」好創新既配搭，少少食唔慣，食左少少，大家就保持佢完美既外形，紋風不動～


「脆皮炸春卷」呢個好香口，不過太多層粉，減少一半粉就一流


「碧綠腐球片」五道菜中，我覺得呢個最好，翠肉瓜爽口，西芹鮮甜，腐球第一次食，都唔錯


再送上一大盤白飯，食剩好多，我諗改上一碗碗，要再加，會環保ｄ～

總括來講，可能平常食開濃味食物，大家都有少少食唔慣～我諗短期，都唔會再返來～