【撥著大霧】默默地在食我杯雪糕 @ 松坂庫 IMAG

自己較少逛松坂庫, 不竟全港分店不多, 只有三間, 今日專誠去尖沙嘴分店, 因為我要食雪糕.

1月中, 尖沙咀分店已經開始賣一款超好呃Like的雪糕, 身為行街精的我也遲了2個月才發現, 真的有點羞愧.

店員伊莉非常好人, 首先為我們奉上每人一杯玫瑰花茶, 及伯爵茶, 之後就問:「雪糕你想要咩味呢?」

怕蝕底的我即時問:「有冇兩溝架?」伊莉笑笑口:「有呀!今日特別多人試Mix呀! (咁平時呢??) 多數人要伯爵茶, 女仔就會揀玫瑰花茶」

(一杯可以滿足兩個願望, 就算唔好食都係一半啫, 梗係兩溝啦!!)

絶對抵到不得了, 每杯還可以揀多一款企鵝曲奇餅來伴雪糕, 今次我揀了雜錦.

緊張時刻來了…伊莉為我們端上混合雪糕, 並說:「你準備好拍片或連環快拍未?」我點頭….

當伊莉一將熱茶注入盛了乾冰的企鵝杯內,  Yeah!! 出煙啦!!

忽然好似置身仙境一樣, 騰雲駕霧, 煙雨淒迷…好正呀!!

記得兩個月, 我食過Lab Made的火山爆發甜品, 當日$88的蛋糕, 好玩, 及震撼程度竟然不及今次.

我問SY:「點解你唔興奮嘅???」阿囝平平淡淡的回答:「上次火山米見過囉…我想食多啲呵…(上次好少煙)…多多少少都唔食得啦…D煙, 最緊要我有雪糕食」 (車!!阿囝你咁無癮架…)

當我要求趁餘煙盪漾之時, 最後再多影一, 兩張相期間…SY先生一邊比7號表情一邊說:「影完未…幾時我先可以自由自在咁食呀???」

OK!! OK!! 請起筷吧!! 小朋友….

伯爵茶味道較真實, 玫瑰花茶味有點味精, 感覺似整容後的女星, 假假地.

聞說IMAG用了北海道3.6牛奶, 不過我覺得太淡, 冰感強烈, 個人還是愛奶味重一點的雪糕, 不過伊莉解釋:「因為多數年青人都鍾意奶味輕啲嘅口味…」 (吓??即係我老, 定我應該轉口味扮年輕呢??)

「孤寒」的我本來想將剩餘的雪糕, 一口氣倒入口, 不過食卡樂B唔好問幾點的原理, 我忘記了企鵝杯內, 載有溶化了的乾冰, 卒之成條褲濕透, 還要給阿太笑:「你唔係老到失憶呀??連阿囝都知有水啦…你仲倒轉隻杯」(可能頭先鬼掩眼呀!!)

沒想過零食店也有一雪糕Café, 自成一角. 環境又不錯, 我一定要讚讚這裡的店員, 又有禮貌, 又好笑容.

臨離開前, 我問另一店員:「點解人哋有得影寶麗萊嘅」, 那店員本來在與伊莉研究工作, 也即時回答我:「唔好意思, 1月時第一, 兩日宣傳有得影, 我幫你問問, 睇下部機仲有冇係度先…」

我不好意思回應:「我八卦咋..我唔係影架…」

大仁生活facebook

http://dayanlife.blogspot.hk/2015/03/imag.html