攻略日期:2015-03-11
呢套嘢鍾意睇嘅人就講到好好,亦有人踩到佢地底泥。遲左少少入場,所以開頭唔係完全睇到。
嗱挑戰社會禁忌,呢套的確做到嘅,唔係講緊題材,係除左Sara(阿Sa飾演)俾繼父強姦,而佢阿媽容忍之外,點解咁多搞嘢場面嘅。正所謂『三仔有格仔,四仔無格仔』,我要睇搞嘢嘅,自己走去睇甜片唔好?係咪咁話先?
再爆本土題材,有人話套嘢唔反映現實,話現今援交妹甚少因為要讀書而做,通常都係因為要買名牌!不過如果話呢個援交妹(嗰個時代叫老泥妹)想買名牌,點講到佢之後做到記者。
佢話本土題材,我覺得佢講緊其他嘢,即係講緊傳媒同高官講大話『低官可以唔出聲,但高官一定要睜大眼講大話』,不過Sara講得出呢句嘢,即係佢已經對甘浩賢(任達華飾演)嘅關係已經由物質需要變成感情需要啦!
到Sara做到記者之後,又因為報導官商勾結,結果篇報道唔俾出。去到泰國清邁散心,見到D雛妓,又見到佢以前嘅自己,所以想搵返相關情況,唔少得訪問,就搵到未成年嘅Dok My,最初佢咩都唔肯講。返到香港報返泰國情況,就話呢D獵奇嘢,觀眾受歡迎,其實都有講到傳媒鍾意谷銷量。
不過呢套嘢D時序成日飛來飛去,其實有D亂。因為甘浩賢死後,Sara都去過喪禮。但後來Sara係泰國酒店裡面自殺。Sara襯浸浴期間飲酒割脈,染到D水紅曬,太容易發現。我地作為觀眾,都覺得Sara應該唔算想死,反而似想Dok My講多D自己嘢嘅手段,呢個連Sara個男朋友都係咁覺得,所以呢個部分有D亂。
https://www.youtube.com/watch?v=nZ6sIE2m5fU