又一個落雨天既星期六,收工買啲餸就返屋企啦...又無街去..
尋日有個朋友去街時,見到有間CAFE係到整梗蛋糕,佢就影咗啲相比我睇下..見到我又好想試下整添..
佢影個張相,個批應該係檸檬批底,面再加藍莓咁既...但因為我老公對酸味既野都唔太大興趣,所以我就改為芝士餅底,用美式芝士餅既做法尼做個底,跟住再係面上放水果..
今次個批皮幾唔錯,鬆脆唔硬,又唔會太濕軟,好容易壓入模內..
今日另外整左個黑啤燉牛肋條,係廚房一邊燉緊牛肋條,一邊預熱緊焗爐..熱到差啲連我都煮熟...
個牛肋條煮左差唔多三個鐘,好淋好味,原先睇個食譜係落黑啤,蕃茄去燉,調味就得鹽同黑椒..好似怪怪地..咁未好啖囉?於是我加啲雞湯去燉,出尼都唔係好濃味,都算清淡..唔知用原食譜出尼會點呢 >_<
另外仲好簡單咁整個香草焗雜草,加入左南瓜,好清甜,小小香草,鹽同橄欖油,就焗出好好味既雜菜^^