【放電最強】喪Jump120 mins @ MegaBox x Sweetwalk

今日我們去MegaBox放電!! 瘋狂的SY最愛喪跳「充氣彈床嘉年華」.

其實我也一樣非常之愛. 因為阿囝有得不停跳, 不休不息跳完又排隊, 排完隊又跳, 而我則只需站著呆等, 企左企右不停影相就可以, 非常輕鬆. (企總好過不停捉依欣啦!!)

今日, 跳床主要分為兩層, 分別是地下, 及五樓. 小朋友一抵達即時如葉問上身大叫:「我要每層跳兩個鐘…」

我答:「小朋友…我哋依一節只可以由6點玩到9點咋, 之後人哋都關門啦, 點跳四個鐘呀???」

不過, 現實總是事與願違, 因為地下的兩個「迷你城堡」, 及「勝者為王」比較合適年紀細一點的朋友, 所以SY只是每樣玩了一次, 便主動要上5樓玩.

其實, 記得當年小朋友的我, 也十分愛跳. 不過, 只是跟家人到澳門玩, 在酒店房跳彈弓床而已, 這就是我人生中的唯一型彈床嘉年華

為何幾十年前沒有這些彈床嘉年華的活動呢?? 究竟是家母沒有帶我去過, 還是這活勳是近年才流行呢??  

現場, 我看到有些抱住BB瀡彈床的爸爸, 其實, 商場會不會遲些舉辦一些只給大人玩的彈跳嘉年華呢? 我都好想跳呀.

再鋒利的劍都有生锈一日, 再瘋狂的SY亦有疲倦的一刻, 不過我猜不到, 今日他只戰鬥了兩小時就投降.(原因...小朋友肚餓, 如果食飽先過嚟, 我諗佢實跳到人哋關門)

之後有人要吃棉花糖, 其實我最反對小朋友吃棉花糖, 因為全部砂糖造成, 而且…百份百肯定會食到滿手滿臉滿頭髮黐笠笠.

對於是個潔癖的仁…最怕見到的場面, 正正就在阿太的放縱出現了…

大仁生活facebook

http://dayanlife.blogspot.hk/2015/03/jump120-mins-megabox-x-sweetwalk.html