今日原定一早起身去拜山,但由大陸返尼後,我地一家三口都病晒,睇左一次醫生都唔好,今朝悠悠眼睛既分泌勁多,痴實晒隻眼,唯有再去睇一次醫生~~
兩個一齊睇完醫生,就同家人出發去拜山,今日天氣陰陰涼涼,直頭有啲凍,所以行上山完全無問題..到兩點左右就落返山了..
跟住我地去左油塘既新商場"大本型"行街,尋日同媽咪悠悠尼行過一次,都幾好行,又多野睇,至少唔係全部連鎖店先..尋日行唔晒,今日再尼行過...
行到六點幾,買左啲壽司返屋企食,加埋拜山既燒肉雞,咁又一餐..
食飽飯..又手痕痕,心癢癢...開工...整左個抺茶紅豆鬆餅...個鬆餅口感好特別..粉粉地..老公話好似食紅豆糕咁....哈哈
