返左香港兩日,病足兩日..但都好乖,有煮飯...
今日精神好啲..要整下野啦..
尋晚已經搓定舊麵團,今早中午就有日式菠蘿包出爐,
因為悠悠爭住要搓,但舊面團都幾濕..我唯有搓好先比佢..可能係咁..有點搓過度..有小小煙煙韌韌咁...
整完包包,悠悠幫手洗碗..真係乖...可惜佢對洗潔精又係敏感....下次唔比佢洗了 >_<
中午就出去同屋企人飲茶,買埋餸返屋企,有時間..又整個蛋糕..睇左好耐..諗起買左一包好多個蘋果..就整蘋果蛋糕...
出爐時好香...個樣唔錯...
夜晚沖完涼...沖杯茉莉綠茶..嘆返件先...哇..又幾好食喎..食晒一件..仲想再食添...好味呀...
依個蛋糕食譜....我點都再搵唔返食譜主人...所以..唔寫出尼喇...想要再PM我啦...keke
