係之前份工,成日都要出差上深圳公司,個陣時係深圳,午餐時間好長,由12:15-2:00,好鬼happy既..我地成日都會去一間菜館食午飯,國內人午飯,唔興一人一碟,佢地偏愛小菜型式,其中一道菜,霸皇雞,係我超中意既其中一邊,其實每次上深圳,都好期待午飯,因為上面好多間食店既野都好好味既,香港既快餐式真係要學習一下....
而家轉左工,唔洗再上深圳,我成日都會好掛念依道霸皇雞,唯有自己動手...首先一定要準備大量蒽,切成絲,再加啲莞茜備用..
雞洗淨,放入一煲加左薑蒽既大滾水入面,煮約5分鐘,熄火焗約半小時至熟透..
拎出尼吹乾,切件,面放上蒽花莞茜
開鑊,放一碗浸完雞既湯,加入兩匙雞粉,加幾滴魚露,然後埋欠,淋上雞面..再燒熱約三湯匙酒,加入薑絲,爆香,油滾時即淋上雞面...完成
上枱時係完全唔見雞架...kaka...
寶物係裡面呢...滑到呢...........尼多碗飯唔該!!!
