5

毛蟲生活 – 不屈就的節儉生活(二)

Melo 於 2015-03-26 12:09:31 發表  |  累積瀏覽 1233

分類:前菜 其他 潮流服飾 飲品美食 其他
上篇毛蟲生活 – 不屈就的節儉生活得到不少回應,很高興見到有不少同道中人!節儉是美德,但要有智慧地節省,不要省在別人的身上也不要太委屈自己才好。多點儲蓄,生活也自由一點,起碼在工作很辛苦的時候可以告訴自己隨時可以「炒老闆魷魚」再慢慢找工作(當然大多不會真的這樣做啦...)

繼續分享我的慳家小方法︰

減少外食 – 相信這應該是慳錢頭號要訣 ! 今時今日外出吃飯大部份的價錢都去了舖租人工,食物質素與付出的價錢有一段距離,所以都是自家煮最好。如果晚了收工,我會簡單的煮個意粉(759特價時$3一包足夠兩個人吃兩餐!) 或是煮個麵,時間多的話就煮複雜一點的,手藝一定不及專業廚師好,但一定比較健康和合自己的口味,而且食材的質素也比較有保證。最近我會在星期日一次過洗洗切切預備5樽沙律,每天加上麵包或蕃薯仔就成為我的健康午餐。

一次過預備的樽仔沙律,星期日用一個小時左右預備,就不怕weekdays沒時間煮食囉~

加上自家製麵包就成為我的green lunch~

特價欄 – 最近超級市場都會set up一個特價欄,將即將過期或是包裝受損的貨品減價促銷。後者可能是一些撞凹了的罐頭、疏了氣的真空包裝,對質量沒太大影響,我會照買可也。至於快過期的食品,我最常買的是yoghurt,家附近有間甚少人幫襯的貴價超市,大部份時間去都會有至少一兩款yoghurt低至半價,當然它們可能只剩下一兩天的食用日期,但反正我都是即日食用,能以$15買到$30的貴價yoghurt,是慳錢不屈就的代表作!  

貴價超市的特價欄可以超平價買到高級食物!

衣物 – 本身不是一個貪靚的人,沒有太大的購物癮,但工作要見人,所以返工衫不能省!衣服質料cutting好不好很易看穿,穿得寒酸會令人對自己的印象大打折扣,所以返工衫我不會貪平,那如何慳錢?我選擇買一些基本連衣裙款,不會受潮流影響一兩年就不能再穿,現在我上班都只是有五、六條裙在循環穿,因為都是黑色基本設計,搭配不同顏色的外套別人也不會太留意到我穿來穿去都是那幾條裙子呀~如果你是貪靚之人,可以考慮買二手衫,香港太多購物狂,大部分二手衫都是極新淨、甚至是未穿過的﹗女士們可以考慮幫襯Green Ladies(在灣仔和黃大仙現崇山也有分店),它們是一家社企,協助中年婦女就業,買賣女裝二手衫,它們會收的衫都十分新淨、不少是名牌子,而價錢由幾十蚊開始有交易,一條名牌連身裙也只要百多元!慳錢、環保又可支持社企,一舉多得!



大時大節 – 無論是生日情人節聖誕節拍拖結婚周年還是考試合格升職加薪,香港人的慶祝方式都不外乎吃一餐好的。我們也不例外,但我們通常選擇吃lunch,比晚餐價錢平一截但質素卻相差不遠,在大時大節也容易一點訂位又不用趕交枱。上年生日我們去了尖沙咀的Hyatt吃自助午餐,人流少氣氛好又不用搶食物,食物種類和晚餐不算差很遠,但價錢卻便宜很多,而且吃完後還有一整個下午可以拍拖行街。若不吃自助餐,fine dining的餐廳午餐也通常比晚餐平得多呀。如果一定要吃晚餐的話,那就吃點「與別不同」的菜式吧!情人節吃火鍋一樣溫馨、新年吃西餐也可以熱鬧呀~

每年聖誕節的交換禮物真的很浪費,大家花錢買來各種「唔等洗」無聊玩意,興奮一下之後就丟在一邊,浪費之餘又佔位置。最近幾年我和朋友都選擇「交換垃圾」,拿自己家中沒用的東西出來交換,不花錢之餘亦為家中物品提供一個重生的機會!過去大家曾帶來交換的物品有Selphy印相機(朋友公司抽獎抽到但用不著)、煲(抽中的朋友正好需要)、啞鈴(!)toiletries set等,部份「垃圾」實在叫我們十分驚喜!即使抽中用不著的東西也不過是一件垃圾換另一件垃圾,不會不開心,但過程大家都很歡喜,氣氛不比一般的交換禮物遜色呀~

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
5人比"掂"
  • Linda_Lee 於2015-03-26 12:28:33 留言
    慳家小方法好西利牙!!我已經緊緊有記下!順便我想問下呢, 樽仔沙律甘樣整5樽放係雪櫃會5會乾水架!?有時我整沙律會洛雪利同蘋果, 我怕佢會有d黃, 不過Melo呢個方法真係好好牙!一次整幾樽, 又靚又健康, 胃口大增我又學下先!
  • 舉報 回覆
  • No.1
  • Linda_Lee 於2015-03-26 12:31:33 留言
    我會去Green Ladies睇下架原來佢係賣二手衫架~名牌連身裙都係幾百蚊真係好抵~謝謝分享!!慳家小方法獲益良多!!^_^
  • 舉報 回覆
  • No.2
  • Melo 於2015-03-26 13:26:25 留言
    原文由 Linda_Lee 於 2015-03-26 12:28:33 發表
    慳家小方法好西利牙!!我已經緊緊有記下!順便我想問下呢, 樽仔沙律甘樣整5樽放係雪櫃會5會乾水架!?有時我整沙律會洛雪利同蘋果, 我怕佢會有d黃, 不過Melo呢個方法真係好好牙!一次整幾樽, 又靚又健康, 胃口大增我又學下先!
    唔會家...其實呢個玻璃樽有少少magic, 佢叫 Ball, 好密氣, 只要將乾同濕材料分隔, 放足一個星期D菜都係咁脆!

    我試過整蘋果放中層(下面係青瓜上面係菜)無浸鹽水都keep到成個星期都唔黃~
  • 舉報 回覆
  • No.3
  • Melo 於2015-03-26 13:27:12 留言
    原文由 Linda_Lee 於 2015-03-26 12:31:33 發表
    我會去Green Ladies睇下架原來佢係賣二手衫架~名牌連身裙都係幾百蚊真係好抵~謝謝分享!!慳家小方法獲益良多!!^_^
    其實想介紹Green Ladies好耐, 真係好正, 只要唔介意著二手衫,真係好抵!
  • 舉報 回覆
  • No.4
  • 特搜總編E 於2015-03-26 15:10:12 留言
    恭喜!經過「SeeWide評審團」一致通過,你的發佈已被選為推薦攻略!你不但可以獲得200經驗值,更能累積200探險里數作為開展下次探險之旅的旅費!
  • 舉報 回覆
  • No.5
  • Linda_Lee 於2015-03-26 15:18:53 留言
    原文由 Melo 於 2015-03-26 13:26:25 發表
    唔會家...其實呢個玻璃樽有少少magic, 佢叫 Ball, 好密氣, 只要將乾同濕材料分隔, 放足一個星期D菜都係咁脆!

    我試過整蘋果放中層(下面係青瓜上面係菜)無浸鹽水都keep到成個星期都唔黃~
    原來佢同普通個d玻璃樽唔同既...@v@ 好好牙! 好想要~係咪普通百貨公司家品部有得買架
  • 舉報 回覆
  • No.6
  • Melo 於2015-03-26 15:36:05 留言
    原文由 特搜總編E 於 2015-03-26 15:10:12 發表
    恭喜!經過「SeeWide評審團」一致通過,你的發佈已被選為推薦攻略!你不但可以獲得200經驗值,更能累積200探險里數作為開展下次探險之旅的旅費!
    多謝總編~
  • 舉報 回覆
  • No.7
  • Melo 於2015-03-26 15:37:51 留言
    原文由 Linda_Lee 於 2015-03-26 15:18:53 發表
    原來佢同普通個d玻璃樽唔同既...@v@ 好好牙! 好想要~係咪普通百貨公司家品部有得買架
    CC SUPER有得賣, 細嘅$22,大嘅$28一個
  • 舉報 回覆
  • No.8

最多能輸入300字

累積瀏覽 1658570

全部攻略 165

全部回應 1173