平安夜,依然係要返工,但今年老細無啦啦話開party,仲比帶小朋友返去喎...咁正,我一定帶埋悠悠返尼玩啦..
朝早如常工作,好彩有其他小朋友陪悠玩,唔係我邊度做到野呢..
到12點幾,啲人開始準備,我都無晒心情工作喇...
好勁,老細好有心機咁係到執野,開檔...攪到好似食buffet咁...勁呀..
party大約三點幾完左..大家又返自己位,但人人都無心情做野啦..我就陪住悠玩..kakaka..
到左5點鐘,老細先叫收工...唉..都好過無啦..閃...
跟住同悠去左時代廣場影Lago,好多人,我地只係影到戶外,而且悠無瞓晏覺,有啲扭計..都係算喇..回歸...
行到地鐵站,個傻豬攰到咪埋眼行..我一抱起佢即瞓著....
之後返婆婆到食飯,飯後返屋企,瞓覺時聽到隔離左右屋都係到BBQ,跟住到12點倒數,我同老公瞓係床上聽住..跟住老公話,係喎..今日係平安夜,點解我地咁無氣氛既....kakaka
