做左咁多包包,有成功有失敗..但吐司就仲未有一次叫做非常成功..
上網見到個熊貓吐司,好想好想做...但又好無勇氣..
今日同同事講開,佢一句話,未試下囉,唔得又唔洗死既..
咁又係...好..比啲勇氣...做!!!
搓面團時,覺得面團好濕..有啲擔心..
做型時更甚...壓平係好黏,做到一petpet咁...
今日天氣好熱下..發酵得好快..依個係最開心既..
入爐後...好香好香好香...綠茶味好濃...點解入左吐司模都會咁香呢?
睇清楚..原來發到漏晒出尼喇...真係好勁呢...
出爐後..真係頂角喎...梗係頂啦..頂到瀉添啦...
係個邊見到啡色..就知個熊貓實走晒樣了...
一切...變左Snoopy既????kakaka
雖然變左樣..但質地好好,味道好好..算係我一次好成功既吐司了...yeah~~~
