人生有幾多個十年呢...
咁就到左我同老公第一個拍拖十週年...
其實我地識左5年先至拍拖,所以,大大話話都識左15年,都算睇住對方長大囉..
十週年..有乜慶祝活動呢...其實來來去去都係食餐飯,整個cake啦..
聽日先係正日,我BOOK左銅鑼灣既栢寧酒店Buffet,係之前團購左架喇..
聽日食完再同大家講吓得唔得啦..
今日整左個簡易拿破崙蛋糕,因為冰箱個幾塊現成酥皮,再唔用就掉得架喇,
所以,懶懶地,就做佢啦..
一早切好酥皮,叉啲窿,200度焗15分鐘左右就攪掂,
以為屋企仲有即食個隻吉士粉..原來無晒,得返要煮個隻..
加啲奶同糖,慢火煮一陣就得啦..都好easy..
切好粒粒芒果,一層一層咁砌上去..攪掂...
即刻食啲酥皮,中間都有小小淋左了..有機會都係試下自己搓酥皮..
唔知點解出面個啲可以唔淋呢???
