BBQ@大美督 + 馬屎洲之行~~

三月尾仍是春天的天氣, 不算好熱, BBQ、 行山等都係好活動, 於是今次一於2樣嘢都做~~


我們選了去大美督, 因為那裡好多燒烤爐, 仲有早啲出發去霸位, 於是11點幾去到都仲有好多位~~ 去到1、2點就全部滿哂~~


用了一點時間起爐, 有火之後就用錫紙包住粟米、蕃薯同魚, 擺入爐中~~ 我們的火不算好大, 但燒到食物就得啦~~


今次我們一行3人, 人少少, 於是預備食物的工作落在奶奶身上~ 全部肉類同蔬菜都是她預先處理, 全部都好好食, 謝謝奶奶~~


好味的焗魚, 不過好多骨仔, 要慢慢食~~


一邊BBQ, 一邊可以欣賞燒烤場附近的景色~~ 這日沒有藍天, 不算好曬, 戴帽都遮到太陽~~ 一片悠閒的海岸景致~~


不少船仔上都有白鷺, 不過牠們企得好遠, 只影到牠們白色的輪廓~~


之後我們搭一程巴士, 由大美督去三門仔~ 由三門仔經鹽田仔行入去, 就是馬屎洲~~ 由巴士站行入去已經用了15分鐘, 所以平時其實好多人都直接由大埔墟坐巴士 (74K) 或小巴 (20K) 入三門仔, 就可以慳點腳骨力~~ 由大埔墟去大美督就可以搭75K或275R (星期日或假期才有), 或者20C小巴~~

自己行入三門仔都唔係唔好~~ 可以看到這片淺灘~~


又見到這些形狀特別的花花~~ 紅色一條條好搶眼~~


見到三門仔了~~ 我同99都是第一次來, 老公以前來過~~



村口有一座教堂, 剛好我們去那天有人結婚~~


這就是村口的位置~~


大大個路牌~~~ 證明到此一遊~~


看來與普通的鄉村分別不大~~


行到某個位置, 有介紹三門仔的展板~~ 簡單點說, 以前政府因為要起船灣淡水湖及水壩, 於是將原本住在那裡的村民及漁民安置在三門仔, 這就是三門仔的由來~~


繼續行入去~~


中途又見到有個關於漁民生活的小展覽館, 是救世軍的, 不過因為我們掛住BBQ, 比原訂行山時間遲了好多, 於是就冇入去睇了~~ 那裡另外都有一個大埔地質展覽館, 但只開到5點, 結果都冇睇到, 唯有下次有機會再看~~


沿住入村的路行到一個位置, 見到這塊牌, 就算是真正開始行山路~~ 但其實由行入村到依家, 我們已行了30分鐘有多...即係要再行多半小時~~


剛巧有一群小學生同家長一齊親子行~~ 個人覺得馬屎洲都適合, 不過小朋友最起碼都要6歲以上, 另外山路好多樓梯, 輪椅同BB車都唔啱行架~


沿途見到這些白色花花, 一串串~~


穿過鹽田仔時, 可以看到馬鞍山、沙田、大埔和吐露港的景色, 可惜這日都是很多煙霞, 不算很清楚~~~

不過唯一想不到的, 就是原來成個鹽田仔都是村民安息的地方, 山頭看到的都是墳墓, 起碼幾十個......當然不好拍攝啦......


唯一可以影就是這個涼亭, 行完一段樓梯可以在這裡稍作休息~~


這個小半島冇路行落去, 唯有遠望一下~~


這個就是馬屎洲~~ 因為入島要行連島沙洲 (即是中間那條沙路), 為了安全, 最好選潮退的時候來參觀, 因為潮漲時, 幾乎成條沙路都被水蓋住, 島的海岸也是, 如果想看多一點風景, 退潮時間最好~~ 大家可以去天文台網頁check吓~~


好多魚排~~ 遠望可以見到八仙嶺~~~


行多了半小時, 終於到了~~ 周圍都有不少人, 不過大部份都是回程, 看來我們真係遲了不少...


這裡有休息的亭子及介紹牌~~


馬屎洲的路線不是環島, 因為另一邊已經有警告牌, 不可通行......如果行哂成條路線要1小時, 來回即是2小時~~


介紹牌~~~


回望一下沙路~~ 啲人都開始回程, 我們依家先行入去~~


這裡的石灘有好多奇型怪狀的岩石, 都是地質公園的特色~~ 個人覺得這裡同東平洲幾相似~~


連山路的樣子都同東平洲一樣, 都是這種泥路, 所以落雨時節不太適合來~~


沿途都是有沙有石的沙灘~~ 風景都不錯~~


估不到島上都有勒杜鵑~~


岩石一層層幾有趣~~ 展板比喻好像一塊塊芝士~~


又影下沙灘另一個角度~~


又見到一團生態導賞團, 他們都是回程了~~


大舊石~~


再繼續行, 已經幾乎冇人......沙灘的石頭愈來愈多~~


這個島上很多野生露兜樹, 仲有好多露兜, 個樣好似菠蘿, 所以有"假菠蘿"之稱~~



又影吓啲大石先~~


再行了一段路~~


去到路程的一半, 龍落水? 東平洲都有喎~~~


這條就是馬屎洲的"龍落水", 即是突出的岩石, 好似一條龍衝入水, 是有趣的地質現象~~

不過我們冇繼續行哂成條路線, 因為已經5點, 太陽開始下山, 由這裡行返去村口都要幾乎1小時, 所以開始回程了~~ 除非有帶電筒, 唔係晚上留不低, 因為成條山路都冇街燈架~~


又影吓個牌, 證明來過了~~ 突然有船家問我們搭唔搭船返三門仔, 但係收$100三個人, 好貴, 後來船家減到$75三個人, 都係覺得貴, 於是寧願自己行......如果多些人一齊來, 行到好攰, 可以考慮回程坐船~~

雖然行完山好累又熱, 不過看到好多特別的風景, 又有美味的BBQ, 希望下次再玩過~~~

關於馬屎洲的網站:

http://www.geopark.gov.hk/b5_s4f12.htm

http://hiking.gov.hk/chi/trail_list/nature_Trail/MaShiChau_Nature_Trail/introduction.htm

http://www.oasistrek.com/ma_shi_chau.php

http://www.nt-hk.com/mashichau.html

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================