食環境‧食一份歡樂時光＠Pink Coffee

幾乎從不在荔枝角搵食，某日約朋友拎野就順便接佢放工兼食個晚飯吹吹水。

佢帶左我黎呢間Pink Coffee，門口連名都無，唔係有人帶真係唔識黎XD

7點幾放工時間竟然冇客?

但環境一流，裝修有格調得黎...

每個座位都有足夠既空間感，好岩小圈子聚會：）

燈光型得黎唔會太黑，影相、食野、吹埋水都岩岩好。

晚餐選1唔多，包埋野飲都係6/70蚊。

野飲都幾多選擇，仲有時令飲品，個紫薯太吸引，我幾乎無睇其他就拍板啦XDD

類似係Starbucks既Coffee Shop，不過唔會長年冇位、兼夾唔洗對住一班大陸朋友...

價錢仲要平Starbucks少少，呢類傾到下計既地方真係買少見少。

環境贏哂，但都要睇下食物質素既，有返三、兩個朋友開餐，決定叫哂全部晚餐試一試XD

牛肉千層麵係餐牌以外既，待應話有就試埋啦。

味道就唔錯既，夠香口，牛肉唔會太乾，但就唔多千層，得個兩層冇乜口感，但都算不過不失啦。

西西里海鮮意大利粉，一黎大大隻青口外型已經攞哂分，蕃茄汁好難出事既，但青椒味我唔太好，係咁而扣返少少分啦。

意式煙鴨胸意大利粉，呢個係待最Like既，雖然都係蕃茄汁，但唔多覺青椒味，加埋個蜜桃酸酸甜甜咁>v<不過都有野彈，D鴨胸好大舊囉，切薄片D更好。

雜菌松露扁意粉其實個白汁好OK，但我呢個超級揀飲擇食既小朋友唔Like黑松露陣味((打飛

整體食物唔算好得個種，但都合格有凸，加埋環境因素，滿足度超高啊!

野飲話左要硬紫薯鮮奶，有熱有凍，一人試一杯。

凍熱都好飲，勁濃郁既紫薯香甜味，熱個杯就甜D，唔想咁甜就揀凍啦：）

女仔聚會硬係會有甜品，天生不好甜所以放過我吧^^"

我轉戰呢個Signature既原創牛角油，真係有D水準喎XD

牛角包鬆脆得黎帶軟軟既質感，入面既牛油有幾大片真係唔洗我講啦，加埋輕輕一焗，半溶又唔會太溶既狀態，冇得頂!!!

但食完又有排減XDD真係好毒!!!

我地吹足成晚，開開心心玩到人地收檔先肯走，香港要搵間坐得下既地方真係買少見少啦，要好好珍惜：）