在韓軍營食韓燒 ... BBQ Military‏

上星期我們一家去了荃灣搵食

試了一間好特別的韓國燒烤餐廳

它的裝潢以韓國軍事基地為主題

BBQ Military 位於荃灣大鴻輝 (荃灣) 中心 18 樓

裝潢果然好貼題 ... 囝囝一出電梯就問我 ... 呢度是軍營 ???

門口還有個穿著軍服的靚女 (模型公仔) 歡迎我地

餐廳的周圍也有不少軍事用品

好鍾意在這些油桶燒烤爐、油桶凳和吸煙管的韓燒店食韓燒 ... 總覺得咁至夠地道

記住將隨身物放在油桶凳內，咁就不怕吸哂油煙味

仲記得第一次在首爾坐油桶凳食韓燒時

唔知道油桶凳可以儲物，攬住 D 隨身物唔知放邊 ...

這隻狗仔筷子托好 cute

一坐下，店員就會每人奉上一份前菜

這兩隻為食的小魔怪已經急不及待的食起來

好大份又好豐富的前菜，可以無限次添食的

一向愛食豆腐的囝囝好鍾意滑溜溜的冷豆腐，一個人食了 3 份呢

囡囡就鍾意加了 wasabi 的洋蔥沙律，甜甜酸酸好開胃，還有嗆鼻的刺激感

我及儍爸就愛辣辣泡菜

 

麥茶好好飲 ... 連平時愛飲汽水的囡囡，今晚都只飲麥茶

我及儍爸就試了韓式雞尾酒 ... 有幾款口味揀的 ... 荔枝、益力多、菠蘿、水蜜桃 ...

我們點了水蜜桃雞尾酒，主要以水蜜桃汁 + 韓國米酒調製而成

 

這杯雞尾酒有很多泡泡，酒味不太濃，好香水蜜桃味，好似飲緊水果酒咁 ... 配燒肉一流

魷魚怪儍爸點了... 烤大八爪魚 HK$38 / 2串

韓式烤鰻魚 (韓國統營產) HK$178 / 200g

韓國統營統產的鰻魚似中國門鱔，無醃過，邊烤邊淋上附上的鰻魚汁

記住要淋多幾次鰻魚汁至夠色及味道的

儍爸比足心機燒的燒鰻魚，賣相不錯吧 ... 味道也不錯的 

烤豬皮 HK$78 / 150g

千萬不好比豬皮嚇怕，烤過後的豬皮可是美味極了

燒過的豬皮煙煙靭靭，沾少少帶甜味的黃豆粉食，不會覺得油膩之餘，還很惹味

這 3 大塊烤豬皮，烤好後我們一家四口仲稴不夠喉 ... 仲想再添食呢

囡囡就鍾意將烤豬皮加點白飯、泡菜及麵豉醬用生菜包著食

愛海鮮的我地還點了 ...烤什錦海鮮 HK$358

好豐富的海鮮拼盤 ... 有魷魚、生蠔、大蝦、聖子、帶子、鮑魚、大蜆

正當我們想將海鮮放烤盤上烤時，醒目的侍應即刻上前幫手

 

首先將烤盤倒轉 ... 本來凸起的烤盤就變成凹下 ... 咁就可以 keep 住海鮮的水份，唔怕漏出來

將成碟什錦海鮮放哂在烤盤上 ... 很震撼呢 !!!

當海鮮燒至半熟時，侍應將帶子剪成粒再烤多陣就食得囉

 

之後，熟練的用夾子將蝦去殼剪成粒，放在帶子殼上吸收埋帶子汁，再烤多陣又有烤大蝦食囉

不過，食之前記住點少少韓式辣醬至食，酸酸辣辣的 ... 與海鮮好搭配的

我們幾個牛魔王又點可以唔食牛

點了有牛排骨、特級雪花牛肉、牛脷、 牛肋骨肉的拼盤 ... 燒什錦牛肉 HK$338

食烤肉當然要用菜包著至無咁油膩，這兒的生菜及麵豉醬與前菜一樣 ... 都是無限次任添的

大食的我們真是抵哂 ... 生菜添了幾籃，泡菜、芽菜及洋蔥沙律每款也添了一大碗

大門旁有個射擊區，18 歲以上的食客可以一嚐射擊的滋味

儍爸食飽飽後，也去了射擊區大顯身手 ...

More information :

BBQ Military Tsuen Wan Facebook Fans Page https://www.facebook.com/bbqmilitaryhk

** 以上分享是以我的口味、喜好及情況作出分享及感受，合用 / 一試與否請自行決定