9 旋轉餐廳自助山 - 自坐晚餐

旋轉餐廳自助山 - 自坐晚餐

旋轉餐廳重現江湖啊 !  今年年頭開張0既自助山 !

又黎試下先 !

見到咁大熱, 咁受歡迎, 梗係唔執輸啦 !

近期覺得有誠意同水準0既自坐餐, 看看, 鵝肝多士, 成塊

鵝肝, 仲配埋焦糖蘋果, 你話想唔攞, 都又行番轉頭攞, 都

要整番件食下至得 !

生蠔新鮮就好多間都做到, 但係由頭到尾都一路有供應, 又

唔係間間都做到 !

龍蝦都好鮮甜味美 !

佢呢度都幾好玩, 自坐式自取酒料, 有紅酒, 有白酒, 有清酒 !

自己同佢買張酒咭, 不過係唔駛俾錢, 到最最後下用咗多少銀兩, 

埋單一起計數 !

燒牛肉, 唔錯, 都算係咁 !

水牛芝士, 煙三文魚, 陳醋蔬菜 !

太多美食, d 選擇困難症又出黎喇, 樣樣都好好味咁, 

但真係唔食得咁多呢!

所以樣樣都係食少少, 盡量都唔好食完又食, 飽得濟就

食唔到其他, 一路食一路同自己講, 唔好食咁多呀, 乖 !

專有一個位係做天婦羅.

噢, 甜品呀, 點樣先可以食晒呢, 盡人士啦, 結果.................敗, 都

係食唔晒咁多款 !

我唔鍾意食蘋果批0既, 但呢個蘋果批真係正到無朋友 !

食極都食唔晒0既甜品, 已經好醒目咁叫家人同我分享, 每

人祇係食一半, 咁樣可以試多d 款 !

佢0既甜品款式後多, 還有一架棉花糖車, 專為小朋友造棉花糖, 

支棒棒係會閃光架, 閃下閃下, 小朋友勁like呀!

家人十分喜歡這裡, 會再來光顧, 難得佢地喜歡 !

我都好滿足, 食得好開心.