下午茶自助餐@喜來登酒店咖啡廳 (The Cafe)~

我的姑姐之前來過, 覺得食物同環境都唔錯, 於是叫埋我同老公一齊去食, 順便幫我提早慶祝生日~~ (我的生日在4月, 已經過咗啦~~)

近來腸胃有點不適, 所以決定不吃壽司、刺身, 下午茶自肋餐同午市差不多, 都有三文魚同另外2款魚揀, 壽司都有幾款, 不算多也不算少~~


於是第一盤食物全都是熱食~~ 有蝦餃、小籠包、菜餃、蝦多士、"燒焦"的芝士火腿三文治、菠菜酥、葡撻, 仲有一份egg benedict~ 每樣一件, 食完都飽飽哋~ egg benedict似乎最好味, 可惜個底好硬, 如果脆一點會更好食~~



之後偷偷哋食了幾隻蝦, 又拎了pizza同冷麵...奇怪的配搭~~ 下午餐自助餐冇蟹腳, 只有蝦、螺同青口, 海鮮選擇不多~~


食力不高, 於是開始食水果同甜品~~ Sheraton的朱古力原來都幾好味, macaron有3款, 甜到不得了, 不過我鍾意, 而且食1粒都當食了20蚊~~ 吃粒士多啤梨中和一下~~


這裡有即製粉麵, 仲有即係crepe加雪糕~~ 當然要一碟試吓~~ 叫了一個士多啤梨crepe, 加了一球藍莓同曲奇雪糕 (都係Haagen Dazs~), crepe整得很薄很滑, 幾好食, 雪糕當然都好食, 最滿意這個甜品, 唔係驚食得太飽, 真係想食多份~~


影吓老公碟水果先~~ 佢比較喜歡吃水果多於甜品~~


雖然幾飽, 不過點都食多少少~~ 士多啤梨批、puff同tiramisu賣相不錯, 味道不過不失, 都係鍾意那粒朱古力的味道~~ 其實蛋糕有不少款式, 可惜飽到上心口, 試唔到啦~~

有信用卡85折優惠, 埋單都係每人2百幾蚊, 坐到2.5小時, 環境舒適, 食物質素都不錯, 而且凍飲係可以不停添飲, 有凍檸水同果汁 (再包一杯熱飲~) 有機會可以再來呀~~~

http://www.openrice.com/zh/hongkong/restaurant/%E5%B0%96%E6%B2%99%E5%92%80-%E5%92%96%E5%95%A1%E5%BB%B3/3599

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================