以傳統石磨製作經典甜品出名的杏花樓
原來在觀塘開了間食小菜及火煱的杏花火鍋
早前就參加了杏花火鍋的試食活動 ...「共嚐。分享」極品火鍋晚宴
還認識了幾位新朋友
食火煱最鍾意就是混醬，我鍾意加點辣油、加點炸蒜粒、再加點蔥 ...
飲品就試了兩款都是清熱消暑、生津解渴的紫貝天葵和山楂茶
味道酸酸甜甜的還有去油膩和幫助消化的功效
杏花火鍋有駐場刺身師傳 ... 咁就先來個日式刺身拼盤
好豐富喔 ... 有三文魚、帶子、蟹柳、甜蝦、玉子 ...
我至愛的帶子肉厚鮮甜
不過，最特別的用魷魚刺身包著蟹籽和紫蘇葉的魷魚卷 ... 味道帶酸，好開胃的
因為人多，試了兩款湯底 ... 一個滋補的 ... 濃湯魚翅雞鍋
湯底好足料 ... 有杞子、魚翅、冬瓜、雞等食材去熬製
湯頭味道濃郁，飲得出無加味精，所以打邊爐前先飲碗靚湯
另一個驅寒健脾胃的 ... 胡椒豬肚雞鍋
用豬肚包著雞、紅枣、陳皮、胡椒等食材一起煲
食前先將豬肚剪開，豬肚處理得乾淨無膻腥味，食落去還爽口彈牙
乳白色湯頭香辣鮮甜，飲完靚湯再番點湯就可以用來打邊爐
即炸魚皮脆卜卜，脆到好似食緊薯片咁
我鍾意將炸響鈴就咁點少少甜酸汁食，怕熱氣的可以浸在湯幾秒，吸埋D湯汁都好食的
本地手切肥牛 ... 賣相好靚 ... 牛味香濃，油脂感足又不過油膩
這個「牛之天地雜錦拼盆」好豐富，還可以一次過試到牛的不同部位
有安格斯肥牛、牛柳粒、牛展、牛胸爽、牛坑腩和黑柏葉 ... 啱哂愛食牛的我
白色一片的牛胸爽睇落去有點似一片的肥膏，以為是牛的脂肪
原來它是胸腔肋骨中間的軟骨部位，口感爽嫩，有濃郁的牛味和牛脂香
杏花四式滑
還有白鱔片、脆鯇片、招牌手打三寶丸、鮮豬潤和自家製鳳城水餃
平時食火煱點都要食個即食麵，今次居然有我至愛的蝦子麵和手打稻庭烏冬
最後，食埋個甜品就圓滿囉 !!!
薑茶西米皮湯圓 ...湯圓皮以西米做成，口感較煙韌，有咬口
還少了份傳統糯米皮湯圓的脹滯感
店主好好呀 !!!
除了請我試食，還有優惠比我的 FANS
只需顯示「冰鎮鮑魚優惠」劵就可享此優惠 ... 手機下載都接受的
杏花火鍋‧甜品
九龍 觀塘 鴻圖道 50 號地下
Tel: 3568 6624
** 特別嗚謝杏花火鍋‧甜品是次試食邀請
** 以上分享是以我的口味、喜好及情況作出分享及感受，一試 / 合用與否請自行決定
纖體瘦身
(已結業)杏花‧火鍋‧甜品 Hang Fa Hotpot & Dessert
「吞pot雞煲。住家菜」
潮福蒸氣火鍋(深水埗店)
澳門台山水佬榮火鍋專家
鍋心 Dimsum & Hotpot Specialists
美滋鍋
同人鍋
菜菜鍋 Shabu Sai