一試難忘的貴州風味☆辣而香♡酸而清@黔館

香港是個美食天堂, 中西日韓菜式選擇繁多, 

美食數之不盡, 「黔菜」大家又試過未?

『黔』其實是指貴州, 貴州菜係中國第九大菜系, 

以不同的辣椒拼湊出各種菜式, 

以「辣而香, 酸而清」見稱~

由於係香港還未成為潮流, 

要食到正宗的黔菜確實不容易~

今次好開心來到全港首間主打

正宗貴州菜館《黔館》,  

品嚐佢地最新的招牌菜式, 

同時, 亦可以食到最地道的貴州菜, 

相信呢d菜式將會為客人帶來

新鮮感和另一番味覺刺激~

黔館座落深水埗區, 交通方便, 位置頗易找~

乘港鐵於深水埗站下車後, 

於D2出口地面直行, 見桂林街斜路直上

走到盡頭的路口位, 

靠右的黃色外牆地鋪就是黔館了！

只是數分鐘的腳程~

這裡已開業近半年, 餐廳環境舒適, 

座位寬敞, 裝修也很時尚和有格調。

牆上畫作和店內擺設很有藝術色彩, 

整體感覺不像一般中菜館那麼傳統~

連menu都係電子化的, 好潮啊！

餐具用上國際品牌LOVERAMICS的出品, 

很切合黔館的時尚風格~

一家大細或是三五知己一起來用餐也不錯耶! 

平日午市也不乏白領的捧場客~

其實余媽媽今次來試菜的確有點戰戰兢兢, 

因為個人不嗜辣, 不知道可以抵受到

何種程度的辣, 終歸想來挑戰一下自己的味蕾~

來吧！黔館! 黔菜! 放馬過嚟啦!!!

首先, 由來自貴州的年輕老闆為我們

介紹今次將試食的九道菜式~

睇個樣好似好辣咁喎XD

先來貴州最具特色的八大小吃之一絲娃娃,

賣相好靚好吸引~

薄薄的粉皮內包着紅蘿蔔絲, 

青瓜絲、篙筍絲、黔面和油渣, 

食落好爽脆, 好開胃而且不油不膩! 

小朋友都啱食!

想食辣就可以用秘製的蘸水拌着吃~

其實余媽媽覺得只是微辣而且, 

還可以繼續挑戰下一道菜!

炸酥肉一出場, 

余媽媽已經聞到佢嘅香味~

佢係五花腩最精華的上層肉, 

黔館用上獨門秘方醃製, 

並加入大紅袍花椒~

鬆化香口, 入口有點麻而不辣的感覺,

余媽媽都吃了好幾塊~

再試另一款小食涼拌折耳根~

其實佢係野生植物, 所以入口有點草青味, 

腥腥地, 聽聞佢仲有清熱解毒之效~

由於用左胡辣椒、香蔥、黑醋和

醬油涼拌, 麻辣味漸漸從口中散發出來, 

所以余媽媽只吃了幾口而已~

個人認為乾吃的確很辣, 用來拌飯倒不錯呢!

接着是涼拌黔麵~

用自家製的風乾涼麵, 再配上油辣椒、

醬油、香醋和秘製脆哨(即豆角), 酸酸辣辣, 

是繼涼拌折耳根後另一道令余媽媽覺得辣的菜式~

吃了幾口已經想噴火了！慳辣的!!!

立即喝下整杯苦丁茶, 才不致食到滿頭大汗!

甘甘地 , 幾好飲喎！

其實苦丁茶是貴州名產, 有解辣之功效,

難怪余媽媽喝過了後可以繼續

暢快地挑戰其他辣菜啦～

跟住呢幾道菜, 余媽媽挺喜歡的~

火焰牛肉~

佢用上了本地手切肥牛和三色椒一起炒, 

上枱時熊熊烈火, 火焰突然爆出, 精彩!!!

要趁熱食先得!

肉質香嫩, 味道不會太辣, 非常惹味!

嗜辣的你可以跟秘製辣粉一起吃啊！

這道宮爆板筋其實是把豬背肉所連的

白色筋膜(又名板筋)切條後, 

加入泡椒和辣椒一同爆炒, 多惹味啊！

聽講貴州人很喜歡吃豬這個部分, 

而且都算珍貴, 因為每隻豬只有四兩板筋而已~

其實婆婆都經常用板筋炒菜和煲粥, 

所以余媽媽對板筋並不陌生~ 

今次能夠見到這道宮爆板筋, 

而且口感嫩滑, 有點咬口, 

辣度可以接受, 余媽媽當然是奉陪到底啦！

已經添食了好幾次了！

帶小朋友來一定要點這個

貴州人愛做早餐或宵夜的黔豆花麵了~

余媽媽很喜歡吃澳門那邊的豆腐撈麵, 

今次的貴州口味也別有一番風味!

用上豆漿和豆腐與闊身的刀削條面

一起烹調, 讓麪條有着陣陣豆香, 

味道清怡, 是一道很健康的菜式, 

而且入口亦非常爽滑和有口感~

如果想吃辣的, 可以自行混入

秘製香菇肉丁拌豆花麵吃, 

要幾辣由自己控制~

輪到這道金字塔醃菜脆哨飯出場~

這是個外型十分搶眼的炒飯, 

用上秘方炸成的脆哨加上醃菜, 

再跟苗家米飯一起炒, 很香口啊！

余媽媽覺得用宮爆板筋和折耳根來餸飯也不錯~

到壓軸的酸湯魚出場~

中國的河鮮一向肥美鮮甜, 

今次用上兩斤重的河魚「烏江魚」做主角~

再加入貴州小番茄和以新鮮豬骨熬製

近4小時的湯底~

魚湯中帶香濃的蕃茄味, 

酸酸甜甜的, 魚肉亦很鮮甜嫩滑~ 

就算魚肉係湯中煲久了, 

肉質就只會愈煲愈滑而不是變老~

加入火鍋配料, 讓它們吸盡鮮魚湯, 美味極了！

難怪我們能把這道菜吃光啦~

大家還可以把魚湯加進蘸水這種特製醬汁中, 

變成另一種勁辣的特色醬汁呢~

今次十分感謝黔館和PR姐姐的邀請, 

讓余媽媽對貴州菜有更深入的了解, 

也給我帶來很多新鮮感呢~

本身以為貴州菜一定通通都會爆辣, 

倒不是呢！因為黔館設計新菜單時, 

加入了港化貴州口味, 令味道更加大眾化, 

同時又不失貴州菜本身之特色, 

部分菜式也是老少咸宜! 

我們一家已相約嗜辣的婆婆稍後到

這裡一試黔館的招牌菜了!