0

【冰粽大比併】美心 Vs 東海堂 Vs 榮華 @ 水果系列必入

大仁生活 於 2015-06-09 03:54:55 發表  |  累積瀏覽 622

分類:飲品美食

攻略日期:2015-06-15

今年未到端午節, 我竟然一早就可以與龍舟玩遊戲, 開心到從未如此的過癮, 玩過龍舟水, 最應節當然就順便要吃粽!!



去年遲鈍仁第一次食冰粽, 老實說, 原來7年前已經有得賣, 之前聽也未聽過, 可想而知我真的大鄉里到極點啦!!




去年只食過美心冰粽, 今年想試多少少, 於是同時買下東海堂及榮華的冰粽, 來個大比併!! (阿太說:美心同東海堂係同一集團, 你比嚟真係多餘...)



我初時真的以為類似無綫一樣, 高清翡翠台, 與J2節目都不同啦...誰知阿太說得對, 美心與東海堂, 簡真就是81與85台, 簡直一模一樣.



美心冰粽 ($48)- 有2個系列, 每個系列4款口味, 包括:


水果系列: 芒果,蘋果,楊枝甘露,柚子蜜

甜品系列: 綠茶紅豆,紫薯,楊枝甘露,芝麻



註:其實只有只7款口味, 「楊枝甘露」重複於兩系列出現.


東海堂 ($55) - 同樣2個系列, 一樣各4款口味, 包括: 



「夏之冰粽」: 芒果、黑糖、紫薯及草莓



「夢之冰粽」: 蘋果、綠茶紅豆、柚子蜜及芝麻味


(陣容, 包裝9成相似, 果然同一集團)


榮華冰粽 ($78) - 只有兩款口味 



芒果粒粒綠豆蓉, 斑蘭蔓越莓豆蓉



一盒四隻, 沒有散賣,一定要2款各買2隻. (點解要焗我各買2隻呢??)



PS: 要極力大讚三家公司不再以粽葉包冰粽, 改以膠囊, 起碼不似去年...打開後雙手油油膩膩, 未食感覺已經大打折扣.


賣相 (通透程度):



東海堂 勝 - (榮華的賣相已經輸了一大截. 似厚身的西米糕, 口感食落太傳統, 太死板) 



個人喜愛透明度高的感覺, 效果高貴得多, 晶瑩剔透如啫喱一樣, 望到也開心, 所以榮華的真的可以篩走, 完全無透心涼感覺.



回彈吊吊揈:

美心 勝 



美心冰粽系列最適中, 東海堂本身有點過份軟身. 榮華的冰粽直情硬淨得毫無回彈感可言.


味道:



經過試食後, 個仁覺得最配合冰粽的, 一定是生果餡, 因為夠香, 有果粒, 愈食愈開心. (或者紅豆,紫薯,芝麻, 黑糖太實在, 食入口少了一份清新感覺)



美心的生果味其實很平均, 反而東海堂的芒果味是三個品牌中最香, 最好食. 



(其實榮華無端端點解芒果都要加綠豆㗎?? 你又唔係做傳統粽, 嘥晒!!)



而美心的「楊枝甘露」, 東海堂的「草莓」都是自家獨有, 應該估計是皇牌吧???...(我不想說那個「黑糖」...因為不合我的口胃), 皇牌果然非常好食....



其實美心如果沒有信心, 也不會兩個系列都硬要塞入楊枝甘露吧!!(還是太懶???太慳??唔想研究多一款味呢??)



不過, 若果一定要在兩個皇牌中揀一款. 我一定揀「草莓」, 因為味道與冰粽的感覺最夾, 而且餡料包含士多啤梨肉及粒粒果籽, 好食到想叫救命.



結論: 賣冰粽一定要買生果味, 榮華可以不用再考慮, 我愛東海堂的草莓及芒果, 不過....可惜「夏之冰粽」一定要硬食黑糖、及紫薯...(無得單買係一個最大問題)


即是如果用最少價錢, (雖然未得到最高享受), 但美心勝在便宜之餘, 「水果系列」4款都是最夾的生果味,  所以我最後選擇美心生果系列.



PS: 如果你另一半好喜愛黑糖、及紫薯味, 我強烈建議你買東海堂, 草莓, 芒果超超超正!


以上純粹個人口味, 不喜勿插!!



鐘意SeeWide的分享,給我們一個Like吧!
  • 攻略日期:2015-06-15
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 783940

全部攻略 890

全部回應 2289